Qazir maýsymdyq aýrýlar kezeńi júrip jatyr. 29 qyrkúıekten bastalǵan JRVI men tumaýdyń aǵymdaǵy epıdemııalyq maýsymynda Astana qalasynyń turǵyndary arasynda JRVI-men 7 myńǵa jýyq adam aýyrǵany, onyń 4 myńnan astamy 14 jasqa deıingi balalar ekeni anyqtalǵan.
Tumaý kezinde balalar, qart adamdar, sondaı-aq júrek pen ókpeniń sozylmaly aýrýlaryna shaldyqqan adamdar úlken qaterde bolady. Tumaý, ásirese, joǵary qaýip tobyndaǵy adamdar syrqatynyń asqynýyna, tipti ómirine qaýip tóndirýine áser etetinin umytpaýymyz kerek», dedi B.Qaıkenov.
Onyń aıtýynsha, elordada júkti áıelder arasynda osy aı boıynsha JRVI men tumaýdyń 542 jaǵdaıy tirkelgen. Táýligine 18 ótinish kelip tússe, onyń 3-eýi aýrýhanaǵa jatqyzylǵan. 15 júkti áıel ambýlatorııalyq baqylaýda.
«Qazirgi ýaqytta Astanada JRVI-men syrqattanýshylyq ósti. Biz ony aýrýhanaǵa jatqyzylǵan júkti áıelder men balalardyń sanynan baıqap otyrmyz. Eger qyrkúıek aıynyń sońynda aýrýhanaǵa kúnine 3-4 áıel tússe, qazir ortasha aýyr jaǵdaıy bar 14-ten 16-ǵa deıin júkti áıel aýrýhanaǵa jatqyzylady. Tynys alý jetkiliksizdigi men pnevmonııanyń belgileri baıqalmaıdy. Barlyq pasıent COVID-19 testin tapsyrdy, olardyń arasynda indet juqtyrǵandar joq», dep atap ótti basqarma basshysynyń orynbasary.
