Pontevedrada buıyrǵan tórt júlde

Bozkilemge shyqqan Qazaqstannyń 10 grek-rım kúresi sheberiniń tek bireýi ǵana júlde aldy. 60 kılo salmaq dáre­jesinde kúsh synasqan Oljas Sultan tusaýkeser kezdesýinde ázerbaıjandyq Nı­­hat Mammadalıden (0:5) utyldy. Qap taýynyń qyrany fınalǵa shyǵyp, so­nyń arqasynda qandasymyz jubanysh bel­desýlerine qatysty. О́z múmkindigin Oljas qalt jibergen joq. Úndistandyq Sýmıt Sýmıt (8:0), ýkraınalyq Vladıslav Kýjko (6:5) jáne qyrǵyzstandyq Nýr­mýhammbet Abdýllaevty (8:0) jeń­gen ol qola medaldy moınyna ildi. О́ki­nishke qaraı, ózge «klassıkterimiz» senim údesinen shyǵa almady. Basqa toǵyz ba­lýannyń arasynan jeńis tuǵyryna Maqsat Saılaý ǵana jaqyndaı aldy. 87 kılo salmaqta synǵa túsken ol bastapqy beldesýlerinde úndistandyq Kýmar Sýnıl (4:0) men ırandyq Abolfazı Álı Shoýbanıdi (9:4) utqanymen, jartylaı fınalda armenııalyq Gevorg Tadevosıannan (4:6) aılasyn asyra almady. Al qola medal úshin tartysta nıderlandtyq Marsel Sterkenbýrgten (1:9) jeńilgen Maqsat besinshi orynda qalyp qoıdy.

О́zge balýandarymyz jaıynda aıtar bolsaq, shırek fınalda úndistandyq Poıa Soýlat Dad Marzǵa ese jibergen Nursat Qabdyrahymov (50 kılo) jubanysh beldesýinde túrkııalyq Ahmed Ekrem Tas­qynoǵlynyń osal tusyn taba almady. Sol sekildi Rasýl Júnis te (76 kılo) dál sol mejede súrindi. Onyń da Úndi eliniń ókili Sajan Sajanǵa áli jetpedi. Al Er­jan Jarylqasyn (63 kılo), Almatbek Amanbek (67 kılo), Temirhan Baıǵanın (82 kılo), Islam Ýmaev (97 kılo) jáne Damır Zýparov (130 kılo) tusaýkeser kezde­sýlerinde jeńilistiń kermek dámin tatsa, Erasyl Nurbosynov (72 kılo) ekinshi aınalymnan asa almady.

Pıreneı túbeginde Irannyń grek-rım kúresi sheberleri óte jaqsy nátıje kórsetti. Parsy eli pehlevandary arasynda Iman Hosseın Mohammadı (63 kılo) men Saıed Danıal Sohrabıge (67 kılo) teń keler eshkim tabylmady. Ekeýi de fınalda óz qarsylastaryn aıqyn basymdyqpen utty. Nátıjesinde, 2 altyn men 3 qola medaldy qorjynǵa salǵan ırandyqtar jal­py­komandalyq esepte kósh bastady. Majarstannan kelgen jigitterdiń de qarqyny kúshti boldy. Olar 2 altyn men 1 kúmis enshilep, ekinshi satyǵa jaıǵasty. Úzdik úshtikti Ázerbaıjan quramasy túıin­dedi. Olar 1 altyn men 2 kúmis enshiledi.

Grek-rım kúresinen álem chempıo­na­tynyń jeńimpazdary men júlde­gerleri

55 kılo: 1. Poıa Soýlat Dad Marz (Úndis­tan), 2. Nıhad Gýlýzade (Ázerbaı­jan), 3. Ahmed Ekrem Tasqynoǵly (Túr­kııa) men Georgıı Tokhadze (Grýzııa). 60 kılo: 1. Kerem Kamal (Túrkııa), 2. Nıhad Zahıd Mamadlı (Ázerbaıjan), 3. Oljas Sul­tan (Qazaqstan) men Melkamý Fetene (Izraıl). 63 kılo: 1. Iman Hosseın Moham­madı (Iran), 2. Georgıı Shotadze (Grýzııa), 3. Rııýta Ikeda (Japonııa) men Grachıa Pogosıan (Armenııa). 67 kılo: 1. Saıed Danıal Sohrabı (Iran), 2. Ga­gık Mıhaı Snjoıan (Fransııa), 3. Dıego Chhıvadze (Grýzııa) men Kıotaro Sogabe (Japonııa). 72 kılo: 1. Gýrban Gýrbanov (Ázerbaıjan), 2. Pavel Pýklaves (Horvatııa), 3. Vıkas Vıkas (Úndistan) pen Amır Álı Abdı (Iran). 77 kılo: 1. Malhas Amoıan (Armenııa), 2. Aleksandr Gýtý (Moldova), 3. Sajan Sajan (Úndistan) men Nao Kýsaka (Japonııa). 82 kılo: 1. Eksaýz Mýkýbý (Norvegııa), 2. Karl Kodrıch (Horvatııa), 3. Mats Ola Lýkas Ahlgren (Shvesııa) men Beka Gýrýlı (Grýzııa). 87 kılo: 1. Ishtvan Takash (Majarstan), 2. Gevorg Tadevosıan (Armenııa), 3. Shımon Shımonovıch (Polsha) men Marsel Sterkenbýrg (Nıderland) 97 kılo: 1. Aleks Shoke (Majarstan), 2. Markýs Raggınger (Aýstrııa), 3. Álı Abedıdarzı (Iran) men Nıtesh Nıtesh (Úndistan). 130 kılo: 1. Fatız Bozkýrt (Túrkııa), 2. Mıhaıl Vıshneveskıı (Ýkraına), 3. Darıýsh Attıla Vıtek (Majarstan) men Álıakbar Hosseın Iýsýfıhamadshalı (Iran).

Áıelder kúresinen ótken jarysta Ja­ponııa quramasy óte keremet kór­set­kishke qol jetkizdi. Olar sarapqa sa­lyn­ǵan 10 altynnyń jeteýin jeńip aldy. Odan bólek, 1 kúmis pen 2 qolany ıelendi. Osylaısha, Ispanııaǵa sapar shekken Kúnshyǵys eli burymdylarynyń barlyǵy da jeńis tu­ǵyryna kóterildi. Eń ǵajaby, altyn tu­ǵyrǵa kóterilgen balýan­dar arasynan Tokıo Olımpıadasynyń jeńimpazy, álemniń úsh dúrkin chempıony Iýı Sýsakı (50 kılo), jastar arasyndaǵy álem birinshiliginiń jeńimpazy Moe Kıoka (55 kılo) jáne álem chempıony Nonoka Ozakı (62 kılo) barlyq qarsylasyn aıqyn basymdyqpen utty. Talaı iri dúrmekte ysylǵan Sae Nanjo (57 kılo) qarsylastaryna soqyr upaı da ustatpady. Eki dúrkin álem chempıony Harýno Okýno (53 kılo) men álem chempıony Mıva Morı­kavanyń (65 kılo) da ústemdigi esh kúmán týǵyzǵan joq. Tek 59 kılo salmaq dárejesinde kúresken Hımeka Toký­haraǵa kózdegen maqsatyna qol jetkizý úshin biraz ter tógýine týra keldi. Tusaýkeser kez­desýin ol taza utqanymen, odan keıingi bel­desýlerinde 6:1, 4:2 jáne 3:2 esepteri tirkeldi.

Japondardan keıingi oryndardy AQSh (1 altyn+1 kúmis+2 qola), Túrkııa (1+0+2) jáne Kolýmbııa (1+0+0) ıelendi. Osy oraıda amerıkalyqtarǵa jalǵyz altyndy syılaǵan Amıt Elorǵa jeke toqtala ketsek, esh aıyby joq dep oılaımyz. Sońǵy eki jyl ishinde ol orasan tabysqa qol jetkizdi. Tarqatyp aıtsaq, Býdapesht, О́fó jáne Sofııada uıymdastyrylǵan jasóspirimder men jastar arasyndaǵy álem birinshilikterinde qarsylas shaq keltir­medi. Bıyl Bel­gradtaǵy eresekterdiń dúnıejúzilik dodasynda dara shyqty. Sol jarystyń fınalynda Erol bizdiń Jámıla Baq­bergenovany aıqyn basymdyqpen utqan edi. Ispanııadaǵy jarysta da 18 jastaǵy AQSh-tyń arýyna eshkim jarytyp qarsylyq kórsete alǵan joq. Amıt barlyq básekede taza jeńiske jetti. Sondaı-aq Polsha men Ýkraınanyń burymdylary da Pontevedrada tabysty óner kórsetti. Olarǵa bas júlde buıyrmaǵanymen, polıaktar 3 kúmis alsa, ýkraınalyqtar 1 kúmis pen 5 qolany qorjynǵa saldy.

Atalǵan jarysta qazaq qyzdaryna júlde buıyrmady. Tek eki balýannyń jeńis tuǵyryna kóterilýine múmkindigi boldy. Jarysty birden shırek fınal­dan bastaǵan 57 kılo salmaqtaǵy Laýra Almaǵan­be­tova alǵashynda bolga­rııa­­lyq Sezen Bel­berovadan (9:2) basym túskenimen, ile-shala polshalyq Patrısııa Gılge (1:5) jol berdi. Al qola medal úshin tartysta amerıkalyq Alek­­sandra Hedrıkten (2:13) oısyraı utyldy. 65 kılo salmaqtaǵy Darıǵa Áben bastapqy básekede Nıgar Mırzazadadan (0:3) jeńildi. Odan keıin ıspanııalyq Nerea Balankodan (6:4) basym tústi. Úshinshi oryn úshin básekede ol ıtalııalyq Elena Espozıtomen kúsh synasty. Bul aıqas 5:5 esebimen aıaqtaldy. Alaıda qosymsha kórsetkishter boıynsha Ape­nnın túbeginen kelgen sportshynyń baǵy jandy. Sóıtip, Laýra men Darıǵa besinshi oryndy qanaǵat tutty.

Áıelder kúresinen álem chempıo­na­tynyń jeńimpazdary men júlde­gerleri

50 kılo: 1. Iýı Sýsakı (Japonııa), 2. Ankýsh Ankýsh (Úndistan), 3. Nada Medanı Mohamed (Mysyr) pen Sara Hamdı (Týnıs). 53 kılo: 1. Harýno Okýno (Japonııa), 2. Lıýsııa Iаepez Gýzman (Ekvador), 3. Anas­tasııa Blaıvaz (Germanııa) ben Zeıpep Ietgıýl (Túrkııa). 55 kılo: 1. Moe Kııýoka (Ja­ponııa), 2. Mıhaela Samoıl (Moldova), 3. Alısha Sýe Hovk (AQSh) pen Elvıra Kamaloǵly (Túrkııa). 57 kılo: 1. Sae Nandze (Japonııa), 2. Patrısııa Gıl (Pol­sha), 3. Aleksandra Hedrık (AQSh) pen Alına Akobııa (Ýkraına). 59 kılo: 1. Hımeka Tokýhara (Japonııa), 2. Magdalena Glodek (Polsha), 3. Solomııa Vynnyk (Ýkraına) pen Mansı Mansı (Úndistan). 62 kılo: 1. Nonoka Odzakı (Japonııa), 2. Irına Bondar (Ýkraına), 3. Astrıt Mantero Shırınos (Venesýela) pen Ana Godınez Gonzales (Kanada). 65 kılo: 1. Mıva Morıkava (Japonııa), 2. Nıgar Mırzazada (Ázerbaıjan), 3. Katerına Zelenıýk (Ýkraına) pen Elena Espozıto (Italııa). 68 kılo: 1. Nesın Bas (Túrkııa), 2. Narýna Matsýıýkı (Japonııa), 3. Irına Ryngach (Moldova) pen Manola Skobelska (Ýkraına). 72 kılo: 1. Amıt Elor (AQSh), 2. Vıktorııa Sholýj (Polsha), 3. Sýmıre Nııkýra (Japonııa) men Kendra Aýgýstına Dasher (Fransııa). 76 kılo: 1. Tatıana Renterıa (Kolýmbııa), 2. Dımond Gýılford (AQSh), 3. Anastasııa Alpıeva (Ýkraına) men Iýsýha Matsýıýkı (Japonııa).

Erkin kúresten Qazaqstannyń ulttyq qurama komandasy sapynda júrgen bir­neshe bedeldi balýan bul joly jastar ara­syndaǵy álem birinshiliginde el namysyn qorǵady. Solardyń arasynan biz Adlan Asqarov (65 kılo), Talǵat Syrbaz (70 kılo) jáne Álisher Erǵalıǵa (125 kılo) aıryqsha úmit arttyq. Úsheýiniń de halyqaralyq arenada jıǵan mol tájirıbesi bar. Olar – jas bolsa da óz salmaq dárejeleri boıynsha elimizdiń birinshi nómirli balýan­dary. Desek te jer-jahannyń ár qıyrynan jınalǵan jas jolbarystardyń jarysynda báriniń birdeı baǵy janbady. Bas­tapqyda ırandyq Amırmohammad Babak Iаzdanısheratıge (5:15) ese jibergen Talǵat Syrbaz jubanysh beldesýinde japo­nııalyq Kota Takahasıge (1:3) jol berdi. Moldovalyq Konstantın Shırılov (11:0), fılıpındik Djo Fer Kallado (10:0) jáne amerıkalyq Kole Reed Matteýsty (6:4) utqan Adlan Asqarov jartylaı fınalda armenııalyq Vazgen Tevanıanǵa (6:7) bir ǵana upaı aıyrmashylyǵymen ese jiberdi. Al úshinshi oryn úshin báseke 7:7 esebimen teń aıaqtaldy. Desek te jeńis sońǵy ádisti jasaǵan japonııalyq Rıoma Anrakýdiń enshisine jazyldy.

Álisher Erǵalıdyń da júrip ótken joly ońaı bolmady. Ol túrikmen Zııamý­hammet Saparov (10:0) pen ázer­baıjan Vahıt Galaevty (5:4) san soqtyr­ǵanymen, jartylaı fınalda ıran­dyq Amırreza Masoýmı Valadıdi (3:6) jyǵa almady. Odan keıin Mılan Andras Korchsogti (6:1) qapy qal­dyrǵan Álisher qola medaldy moınyn­da jar­qyratty. 61 kılo salmaqtaǵy Asyl Aıtaqyn da dál sol mejeden kórindi. Alǵashqy aınalymda jastar arasyndaǵy álem birinshiliginiń kúmis júldegeri, Azııa chempıony ırandyq Armın Mehdı Habıbzadehserýolaıdtan (9:1) aılasyn asyrsa, kelesi kezeńde armenııalyq Arsen Harýtýnıannan (3:9) jeńildi. Odan keıin pýertorıkalyq Djozef Adreas Sılva (6:1) men grýzııalyq Ramaz Týrmanıdzeniń (12:4) tas-talqanyn shyǵaryp, jeńis tuǵyryna kóterildi.

Pıreneı túbeginde Dáýlet Ergesh erledi. 79 kılo salmaqta kúsh synasqan qandasymyz pýertorıkolyq Tonı Frensıs Negron (10:0), ýkraınalyq Valentın Babıı (8:1) jáne amerıkalyq Karter Starossıdi (8:7) san soqtyryp, fınalda Eýropa chempıonatynyń qola júldegeri, grýzııalyq Vladımır Gamkrelıdzemen aıqasty. О́te shıelenisti ótken básekede 3:5 esebimen ese jibergen Dáýlet kúmis medal ıelendi.

Maqsat Satybaldy (86 kılo) men Rızabek Aıtmuhannyń (92 kılo) da júl­degerler qatarynan kórinýlerine múmkin­dikteri boldy. Biraq úshinshi oryn úshin tartysta olar óz qarsylastaryna jol berdi. Maqsat moldovalyq Ivan Ichızlıden (3:4), Rızabek túrkııalyq Faızolla Aqtúrikten (3:14) utyldy. Al Dáýlet Temirjanov (57 kılo), Erhan Beksultanov (74 kılo) jáne Iýnýs Ga­fýrov (97 kılo) úshin bul sapar sátsiz aıaqtaldy.

Atalǵan jarysta san myń kórermen Aman Amannyń asqan sheberligine qul­shyna qol soqty. Asa jeńil salmaqta beldesken úndi sportshysy bıyl jazda Alma­tyda ótken Bolat Turlyhanovtyń kýbogi jolyndaǵy reıtıngtik jarysta barlyq qarsylasyn oısyrata utyp, jeńis tuǵyrynyń eń bıik satysyna kóterilgen edi. Sol kezde Balýan Sholaq atyndaǵy sport saraıyna jınalǵan dúıim jurt nebári 16 jastaǵy jas órenniń aıshyqty ónerine tamsanǵan-tyn. Bul joly da Aman qarsylastaryn alyp ta, shalyp ta jyǵyp, san mıllıon kórermenniń qoshemetine bólendi. О́zge beldesýlerin aıtpaǵanda, fınalda ózinen jeti jas úlken Túrkııanyń tarlany Ahmet Dýmannyń ózin 12:4 esebimen oısyrata utty. Mine, «shyn myqtyǵa tusaý joq» degen osy shyǵar.

70 kılo salmaq dárejesindegi Amır­mohammad Babak Iаzdanısheratıge de jurttyń yqylasy erekshe boldy. Este­rińizde bolar, qyrkúıek aıynda Belgradta ótken eresekterdiń álem chempıonatynyń tusaýkeser kez­desýinde bul balýan Djoshýa Stıýart Fenesılvermen beldesýge tıis edi. Alaıda Iran bıligi óz órenderine Izraıldiń ókilderimen kúsh synasýǵa tyıym salǵan. Eger ol talap oryndalmasa, tek sportshy ǵana emes, bapkerleri men búkil delegasııa músheleri de qatań jazalanady. Sony qaperge alǵan Iаzdanısheratı bozkilemge shyǵýdan bas tartqan edi. Osylaısha, byltyr Osloda kúmis alǵan balýan soqyr saıasattyń saldarynan Belgradta júldeli oryndar úshin talasý múmkindiginen aıyryldy. Pontevedrada Amırmohammad keńinen kósildi. Ol biz­diń Talǵan Syrbaz, japonııalyq Kota Taka­hashı jáne amerıkalyq Iаhııa Tomashty tize búktirip, aqtyq synǵa deıin alqynbaı jetti. Biraq fınalda Parsy eli pehlevany Georgıı Elbakıdzege áli jetpedi.

Erkin kúresten ótken jarystyń jalpy esebinde de Iran quramasy kósh bas­tady. Parsy eliniń ókilderi 4 altyn men 1 kúmisti qorjynǵa saldy. Ekinshi jáne úshinshi oryndardy Grýzııa (2+0+2) men Armenııa (2+0+1) quramalary ózara bólis­ti. Tórtinshi satyǵa Japonııa (1+0+2) jaı­ǵas­sa, besinshi oryn Úndistanǵa (1+0+0) buıy­dy.

Erkin kúresten álem chempıona­tynyń jeńimpazdary men júldegerleri

57 kılo: 1. Aman Aman (Úndistan), 2. Ahmet Dýman (Túrkııa), 3. Bekzat Almazuly (Qyrǵyzstan) men Kamıl Kerımov (Ýkraına). 61 kılo: 1. Arsen Harýtýnıan (Armenııa), 2. Taıyrbek Jumashbekuly (Qyrǵyzstan), 3. Emrah Ormanoǵly (Túrkııa) men Asyl Aıtaqyn (Qazaqstan). 65 kılo: 1. Vazgen Tevanıan (Armenııa), 2. Hamza Alasa (Túrkııa), 3. Rıoma Anraký (Japonııa) men Erık Arýshanıan (Ýkraına). 70 kılo: 1. Georgıı Elbakıdze (Grýzııa), 2. Amırmohammad Babak Iаzdanısheratı (Iran), 3. Kota Takahası (Japonııa) men Kanan Heıbatov (Ázerbaıjan). 74 kılo: 1. Mohammadsadeh Bıglar Fıroýzpaýrbandpeı (Iran), 2. Hadjımýrad Gadjıev (Ázerbaıjan), 3. Vasılıı Dıakon (Moldova) men Vadım Kırılenko (Ýkraına). 79 kılo: 1. Vladımır Gamkrelıdze (Grýzııa), 2. Dáýlet Ergesh (Qazaqstan), 3. Karter Starossı (AQSh) pen Arman Agavıan (Armenııa). 86 kılo: 1. Tatsýıa Shıraı (Japonııa), 2. Trent Hıdlaı (AQSh), 3. Emre Chıftchı (Túrkııa) men Ivan Ichızlı (Moldova). 92 kılo: 1. Amırhosseın Bıglar Fıroýzpaýrbandpeı (Iran), 2. Iаkob Tomas Kardenas (AQSh), 3. Mıranı Maısýrazde (Grýzııa) men Faızolla Aqtúrik (Túrkııa). 97 kılo: 1. Amralı Hamıd Azarpıra (Iran), 2. Tanner Sloan (AQSh), 3. Vasılıı Sova (Ýkraına) men Islam Ilıasov (Ázerbaıjan). 125 kılo: 1. Amıreza Fardın Masoýmı Valadı (Iran), 2. Solomon Manashvılı (Grýzııa), 3. Entonı Kassıopı (AQSh) pen Álisher Erǵalı (Qazaqstan).