Bıylǵy jyldyń qańtar-qyrkúıek aılarynda elimizde 1,6 myń qylmystyq sybaılas jemqorlyq quqyq buzýshylyq tirkelgen, bul byltyrǵydan 11,1%-ǵa artyq kórsetkish.
О́ńirlik turǵyda eń kóp sybaılas jemqorlyq quqyq buzýshylyqtar Qaraǵandy oblysynda tirkelgen: 207 oqıǵa. Kelesi orynda Astana (144 jaǵdaı) men Shymkent (129 jaǵdaı) tur.
Qylmystardyń basym bóligi aýyr dárejede – 1,1 myń is. 342 jaǵdaı ortasha aýyrlyq dárejesinde, 69 jaǵdaı jeńil dáreje jáne 25 jaǵdaı erekshe aýyr sanatqa jatqyzyldy.
Jıi jasalatyn qylmystardyń qatarynda para alý (424 jaǵdaı) jáne alaıaqtyq (280 jaǵdaı). Odan keıin laýazymdyq ókilettikterdi asyra paıdalaný (112 is), sondaı-aq basqalardyń senip tapsyrylǵan múlkin ıemdený nemese jymqyrý (98 is).
Bir qyzyǵy, jyl basynan beri sybaılas jemqorlyq qylmystary boıynsha sotqa tartylǵandar sany 639 adamdy qurap, 13,5 paıyzǵa azaıǵan.
Memlekettik organdardyń qyzmetkerleri arasynda sybaılas jemqorlyq qylmystaryn kóbinese ákimdikter men olardyń qurylymdyq bólimsheleriniń qyzmetkerleri jasady - 118 adam. Odan keıingi orynda ishki ister organdarynyń qyzmetkerleri - 112 adam jáne Qarjy mınıstrliginiń qyzmetkerleri - 39 adam.
Sondaı-aq jyl basynan beri 5 ákim, 1 sýdıa, Sybaılas jemqorlyqqa qarsy is-qımyl agenttiginiń 7 qyzmetkeri, prokýratýranyń 2 qyzmetkeri jemqorlyqpen ustalǵan.
Aıta keteıik, búginde elimizge 100 mıllıard teńgege jýyq qarjy qaıtarylǵan.
