Atalǵan jarysta Abzal Ájiǵalıev tabysty óner kórsetti. 500 metrlik qashyqtyqta ol kúmis medaldi moınyna ildi. Abzaldyń kórsetkishi – 41,054. Qazaq sportshysy tek estafetalyq saıysta Beıjiń Olımpıadasynyń jeńimpazy atanǵan kanadalyq Maksım Laýannan ǵana qalyp qoıdy. Jeńimpazdyń nátıjesi – 40, 946 sekýnd. Úzdik úshtikti Ońtústik Koreıanyń taǵy bir ataqty sportshysy Lı Chjýn So (41,350) túıindedi. Al 1 500 metrlik básekede qazaqstandyq Nurtilek Qajyǵalı besinshi satyǵa taban tiredi.
Esterińizge sala keteıik, qarasha aıynyń sońyna deıin short-trek sheberlerin taǵy alty birdeı asa iri baıraqty básekeler kútip tur. Bul jarystardy Solt-Leık-Sıtı, Bormıo, Zagreb, Bıalostok, Sofııa jáne Týrın qalalary qabyldaıdy. Al jeltoqsanda ótedi dep josparlanǵan álem kýbogynyń eki birdeı kezeńdik saıysy Almatyda uıymdastyrylady.
