Aımaqtar • 07 Qarasha, 2022

Almatyda kólik qaǵyp ketken jaıaý júrginshi qaıtys boldy

310 ret

kórsetildi

1 mın

oqý úshin

Qaıǵyly oqıǵa búgin tańda, B.Momyshuly kóshesinde bolǵan. Tańǵy saǵat 7:30 shamasynda «Alataý sıtı» turǵyn úı kesheniniń aldynda keptelis paıda boldy. Keıin belgili bolǵandaı, mundaǵy jaıaý júrginshiler ótkelinde er adamdy kólik qaǵyp ketken. Soqqynyń kúshti bolǵany sonsha, dene 20-30 metr jerge ushyp túsken, dep jazady Egemen.kz.

Dınar KERIM

Almatyda kólik qaǵyp ketken jaıaý júrginshi qaıtys boldy

Polısııa oryn alǵan qaıǵyly oqıǵaǵa qatysty tústinikteme berdi. Olardyń aıtýynsha, jaıaý júrginshini qaqqan kóliktiń markasy da, júrgizýshiniń kim ekeni de ázirge belgisiz.

«7 qarasha kúni tańǵy saǵat 07:25-te belgisiz júrgizýshi kólikpen B.Momyshuly kóshesiniń boıymen soltústik baǵytta, №5 úıge qarama-qarsy kele jatyp, joldyń belgilengen bóliginde ótip bara jatqan jaıaý júrginshini qaǵyp ketti. Azamat 1977 jyly týǵan. Jaıaý júrginshiler ótkelinen batys baǵytta ótip, saldarynan jaıaý júrginshi oqıǵa ornynda kóz jumdy.Atalǵan fakti boıynsha Qylmystyq kodekstiń 345-babynyń 3-bóligi men 347-baby boıynsha sotqa deıingi tergeý bastaldy. Saraptamalar taǵaıyndaldy, qazir osy qylmysty jasaǵan júrgizýshini anyqtaý jáne ustaý sharalary júrgizilýde», dedi Almaty qalalyq IID tergeý basqarmasynyń bastyǵy, polısııa podpolkovnıgi Oljas Sháripov.