«Azyq-túliktiń dúkendegi baǵasyna áser etetin artyq deldaldy aldymen meılinshe azaıtyp, sodan keıin bárinen arylý kerek. Tamaq ónimderin saqtaıtyn oryndardy kóbeıtý – ózekti másele. Qazir munda kóterme saýda jáne taýardy bólip-taratý ortalyǵy salynyp jatyr. Onyń qurylys jumystaryn ýaqytyly aıaqtaý qajet», dep atap ótti Qasym-Jomart Toqaev.
Prezıdent óz sózinde óńirde azyq-túlik qoryn saqtaıtyn qoımalar salýdy tapsyrdy.
«Jańa qoımalar salý úshin ákimdik jeke ınvestorlarǵa daıyn ınfraqurylymy bar jer berýi kerek. Biz azyq-túlik ónimin óndirýshilerdi aldyn-ala qarjylandyrý tásilin engizdik. Muny oblystyń áleýmettik-kásipkerlik korporasııasy tıimdi paıdalanýyna bolady. О́nimdi satyp alý úshin ózge óńirlerdegi sharýalarmen aldyn-ala kelisim-shart jasaýǵa múmkindik bar. Bul jumysta bárin der kezinde jasaý óte mańyzdy. Naryqtyń bet alysyn muqııat zerdeleı otyryp, erterek qamdanǵan abzal. Byltyr qatty qýańshylyqtyń jáne jem-shóp tapshylyǵynyń kesirinen aýyl halqy qanshama malynan aıyryldy. Mundaı jaǵdaıdyń qaıtalanýyna jol berýge bolmaıdy», dep túıindedi Memleket basshysy.
