«Oblystaǵy týrızmdi damytý – mańyzdy mindettiń biri. Árıne, Atyraý munaıymen áıgili. Biraq, munda týrısterdiń qyzyǵýshylyǵyn týǵyzatyn basqa da rýhanı qundylyqtar bar. Ony búkil Qazaqstannyń brendine aınaldyrýǵa bolady», dedi Prezıdent.
Q.Toqaev ólkeniń tarıhı-mádenı muralaryna aıryqsha mán berýdi, sonyń ishinde Saraıshyqty el ishinde jáne shet memleketterde dáripteýge bolatynyn, «Orta ǵasyrlyq Saraıshyq» jobasyn sońyna deıin jetkizý kerek ekenin atap ótti.
Sondaı-aq, arnaıy vızıt-ortalyqty ýaqytyly iske qosý mańyzy jaıly aıtty. Kóne qalanyń ornyn týrıstik nysan retinde damytýǵa jáne onyń tanymaldyǵyn arttyrýǵa arnalǵan tujyrymdama ázirleý qajettigin de aıtty. .
Prezıdent Mádenı týrızm salasyn sıfrlandyrýǵa basa mán berýdi usyndy.
«Týrıstik nysandarymyzdy álemdik standartqa jaqyndata berýimiz kerek. Bul jaqta ekologııalyq jáne tanymdyq týrızmdi damytýǵa mol múmkindikter bar. Qıǵash ózeniniń boıynda lotos gúlderi ósetinin, ókinishke oraı, kóbi bile bermeıdi. Bul jer – lotostyń eń qıyr soltústiktegi mekeni. О́zimizdiń qyzǵaldaq sııaqty lotos alqabyn da tanymal etý úshin naqty sharalar qabyldaǵan jón. Osyndaı tańǵajaıyp dúnıe týraly fılmder túsirý kerek, olardy shetelde belsendi túrde dáripteýimiz kerek», dedi Toqaev.
Sondaı-aq el Prezıdenti Inderdegi tuzdy kól týraly da pikir bildirdi. Bul kól emdeý-saýyqtyrý týrızmin damytýǵa birden bir laıyq meken ekenin aıtyp, tıisti memlekettik organǵa kóldiń mártebesin aıqyndaýdy tapsyrdy.
«Jalpy, Atyraý munaı men gazǵa ǵana úmit artpaı, týrızm sekildi bolashaǵy zor salany damytý kerek. Eń bastysy, bastamalar batyl qolǵa alynsyn. О́ńirdiń týrıstik áleýetin arttyrý úshin Úkimet pen ákimdik joldardy jóndep, týrıstik nysandardyń ınjenerlik kommýnıkasııasyn retke keltirýi tıis», dedi Qasym-Jomart Toqaev.
Atalǵan tapsyrmalar boıynsha, jumys barysy tikeleı Prezıdent baqylaýynda bolady.
«Atyraý oblysyn damytý týraly meniń paıymdarym – osyndaı. Birqatar naqty tapsyrma berildi. Onyń bári muqııat oılastyrylyp, ýaqytyly jáne sapaly oryndalýy kerek. Jumys barysy meniń tikeleı baqylaýymda bolady, sebebi bul – oblys halqyna óte qajet jumys. Ony sońyna deıin atqaryp shyǵýymyz kerek», dedi Memleket basshysy.
