OLX onlaın-habarlandyrý servısiniń taldaýshylary servıs derekterine súıene otyryp, Qazaqstandaǵy avtoqyzmet naryǵyna saraptama jasady. Usynystar naryǵynda da, izdeý suranystarynyń sany boıynsha da avtomobıl qyzmetteriniń eń tanymal túri evakýator qyzmeti bolǵan.
Sondaı-aq avtomobıldiń dóńgelegin aýystyrý baǵasy da birshama ósken, derekter boıynsha 12%-ǵa kóterilse, jańa dońǵalaqtardyń óz baǵasy 25% qymbattaǵan.
Osylaısha, jazdyq shınalardy qystyq túrine aýystyrý quny ortasha eseppen 4 000 teńgeni quraǵan. Bul qyzmet túri Astana, Almaty jáne Shymkentte – tıisinshe 6 000, 5 500 jáne 5 000 teńge bolsa, eń arzany Qyzylorda men Taraz qalasynda eken, qyzmettiń ortasha quny 2 500 teńgeni quraǵan.
Avtodońǵalaqtar týraly aıtsaq, suranys kóbinde Almaty, Astana, Qaraǵandy qalalarynda basym bolǵan. Baǵalary boıynsha, paıdalanýda bolǵan avtoshınalardyń ortasha quny 45 000 teńge, al jańa túri 80 000 teńge. Eń qymbat shınalar Astana qalasynda kezdesse, eń arzan baǵa Aqtaý qalasynda usynylǵan.
