Dári-dármek ózimizde de shyǵarylady

Stepnogor qalasynda bıologııa ǵylymdarynyń kandıdaty O.Tenniń jetekshiligimen aǵza belsendiligin arttyrý jáne vırýsqa qarsy belok­tar jıyntyǵyn qamtamasyz etetin jańa bıotehnologııalyq joba júzege asyrylýda. Atalǵan ǵylymı izdenisti  qarjylandyrý Bilim jáne ǵylym mınıstrliginiń tehnologııalardy kommersııalandyrý jobasy aıasynda jeńip alynǵan grant esebinen qamtamasyz etiledi. Sońǵy onjyldyqta, búkil álemde densaýlyq saqtaý salasyna shyǵyn­nyń ósýine, jahan turǵyn­­darynyń, ásirese dári-dármekke zárý adamdar sanynyń artýyna baılanysty bıoárkelkilik ındýstrııasy kúrt damýda. Mamandardyń aıtýynsha, Qazaqstanda jyl saıyn onkologııalyq keseldiń ártúrli satydaǵy 1500 faktisi tirkelýde. Ony emdeý bary­syn­da syrqattyń aǵzasy zardap shege­tindikten, oǵan qarsy dári-dármekter shetelderden qymbat baǵaǵa satyp alynady. Qazirgi tańda otandyq ǵylym osy bir osal tustyń ornyn toltyrýda eleýli qadamdar jasap otyr. Ulttyq bıotehnologııa orta­ly­ǵy­nyń fılıaly retinde qurylǵan Stepnogordaǵy tájirıbelik óndiris or­­nynda mıkrobıologııalyq sıntez jolymen belok alýǵa qatysty uıym­dyq sharalar júrgizilýde. Al, 2015-2016 jyldary ımport almastyrýshy dá­ri-dármekter óndiristik baǵytta shy­­ǵaryla bastaıdy dep josparlaný­da.­ Baqbergen AMALBEK, «Egemen Qazaqstan». Aqmola oblysy.