«Túrki memleketteriniń bilim jáne ǵylym salasyndaǵy yntymaqtastyǵyn nyǵaıtý qajet. Osyǵan oraı, biz 2023 jyly Qazaqstanda II Túrki ýnıversıadasyn uıymdastyrýdy josparlap otyrmyz. Ony Túrki ýnıversıtetteri odaǵy aıasynda ótkizýge bolady», dep atap ótti Qazaqstan Prezıdenti.
Bul rette, Memleket basshysy túrki memleketteri arasynda joǵary oqý oryndarynyń biryńǵaı bilim berý keńistigin qalyptastyrý qajet dep sanaıdy.
«Biz akademııalyq utqyrlyqty damytyp, stýdentter arasynda mádenıetaralyq dıalog ornatýǵa jaǵdaı jasaýymyz kerek. Sondaı-aq, joǵary oqý oryndarynyń biryńǵaı bilim berý keńistigin qalyptastyrý qajet. Sondyqtan, 2023 jyly Túrki elderi ýnıversıtetteriniń ortaq jelisin qurý múmkindigin qarastyrýdy usynamyn. Bul bastama stýdentterimizdiń túrki tilderin úırenip, baýyrlas elderdiń tynys-tirshiligimen tanysýyna jol ashady», dep túıindedi Prezıdent.
