Bul týraly TRT Haber telarnasynda Túrkııa Ishki ister mınıstri Sýleıman Soılý málim etti.
Mınıstrdiń aıtýynsha, buǵan deıin 21 adam ustalyp, bombany ornalastyrǵan adam qamaýǵa alynǵan.
- Jaqyn arada bizge bul azapty tarttyrǵandardyń jazasyn budan da aýyr azappen qaıtaramyz, dedi ol telearnaǵa bergen suhbatynda.
Ol sondaı-aq zardap shekken 81 adamnyń 50-i shyǵarylǵanyn, beseýi jansaqtaý bóliminde, ekeýiniń jaǵdaıy aýyr ekenin aıtty. Al buǵan deıin jarylystan alty adam qaıtys bolǵany habarlanǵan bolatyn.
Esterińizge salaıyq, keshe saǵat 16:20 shamasynda Ystanbuldyń Beıoǵly aýdanynda jarylys bolyp edi. Jarylys oryn alǵan Istıklıal kóshesi tolyǵymen jabylyp, jaqyn mańdaǵy Taksım meshiti de jumysyn ýayqtsha toqtatty.
Túrkııa vıse-prezıdenti Fýat Oktaı bombany áıel adam qoıǵanyn aıtty. Sondaı-aq Túrkııa prezıdenti Rejep Taıyp Erdoǵannyń oqıǵany lańkestik áreket dep baǵalaǵanyn rastady. Aıta keteıik, Túrkııanyń Radıo jáne televıdenıeniń joǵarǵy keńesi jergilikti BAQ-tyń jarylysty kórsetýine tyıym salǵan.
