Is-shara QR PIB Medısınalyq ortalyǵynyń basshysy Alekseı Soıdyń qatysýymen ótti. Onda jańa ortalyqtyń terapevtik bólimderi tanystyrylyp, jumys barysy aıtyldy.
Atalǵan ortalyq kúrdeli aýrýǵa shaldyqqan naýqastarǵa emdik-ońaltý qyzmetin kórsetedi. Dıagnostıkalyq baza 640 keskindi KT, MRT apparattary, zamanaýı rentgen jáne ýltradybystyq qondyrǵylar, tomosıntez fýnksııasy bar sońǵy úlgidegi zamanaýı jabdyqtarmen jabdyqtalǵan.
Medısınalyq ortalyqtyń jańa blogy 7 terapevttik bólimdi qamtıdy. Atap aıtqanda, pýlmonologııa, nefrologııa, gastroenterologııa, endokrınologııa, nevrologııa, revmatologııa jáne kardıologııa.
Aýrýhana elimizdiń túrli aımaqtarynan kelgen naýqastarǵa da qyzmet kórsetedi. Jalpy alǵanda emdik qyzmet mindetti áleýmettik medısınalyq saqtandyrýy bar nemese tegin medısınalyq kómektiń kepildik berilgen kólemi sheńberinde de aqyly negizde de qoljetimdi.
Sondaı-aq aldaǵy ýaqytta respıratorlyq júıe aýrýlarynyń aýyr túrlerin, sonyń ishinde aýtoımmýndy jáne sırek kezdesetin aýrýlarmen aýyratyn naýqastardy emdeý úshin Pýlmonologııalyq ortalyq ashý da josparlanǵan.
Aýrýhananyń jańa bólimi túrli zamanaýı dıagnostıkalyq apparattarmen qamtamasyz etilgen. Bul aýrýdy tek der kezinde anyqtap qana qoımaı, durys emdik shara júrgizýge de múmkindik beredi.
Reabılıtologtar, logopedter, psıhologtar men nevropatologtar aýyr nevrologııalyq tapshylyǵy bar naýqastarǵa medısınalyq kómek kórsetýdiń jańa tásilderin qoldanady.
Budan bólek, Alsgeımer aýrýy, Parkınson aýrýy, skleroz, mıastenııa gravısi, aýtoımmýndy ensefalıttiń dıagnostıkasy men emdeý prosesine ınnovasııalyq tásilder paıdalanady.
Aýrýhananyń tósek-oryn syıymdylyǵy jatyn oryndy 200-den 400-ge deıin kóbeıtýge, ıaǵnı jylyna 8 myń qazaqstandyqty qamtýǵa múmkindik beredi.
Is-shara sońynda Alekseı Soı jańa emdik-dıagnostıkalyq aýrýhananyń jumysymen tanysyp, qyzmetkerlerge sáttilik tiledi.
