О́skemen qalasy PB Ertis PB-nyń 102 jedel arnasyna JShS ákimshisinen habarlama kelip túsken. Ol túngi ýaqytta beıtanys jigit qalanyń lotereıa klýbtarynyń birinde kassadan 1,4 mln teńge kóleminde aqsha qarajatyn ashyq urlap ketkenin aıtqan.
«Patrýldik polısııa batalony men Ertis polısııa bóliminiń jedel-tergeý toby qyzmetkerleriniń jedel áreket etýlerine baılanysty kúdikti ustaldy. Ol Ulan aýdanynyń 25 jastaǵy turǵyny bolyp shyqty. Jaýap alý kezinde er adam osy áreketin moıyndaǵan. Tártip saqshylary urlanǵan aqshany tárkileı aldy. Alaıda tolyq kólemde emes. Atalǵan fakti boıynsha QR QK-niń 191-baby 1-bóligimen (Tonaý) sotqa deıingi tergeý júrgizilýde. Kúdiktige qatysty kelýge mindetteý túrindegi prosestik májbúrleý sharasy tańdaldy. Kinásin moıyndaǵan jaǵdaıda shyǵysqazaqstandyqqa 4 jylǵa deıingi merzimge bas bostandyǵynan aıyrý jazasy kózdelgen», delingen IIM resmı saıtynda.
