Qazaqstandaǵy «PlayStation» paıdalanýshylary PlayStation Network eseptik jazbasyna kirý kezinde qıyndyqtar týyndaıdy, sondaı-aq Qazaqstandyq bank kartalary men tólem júıeleri arqyly ınternet-dúkende oıyndardy tóleı almaıdy.
«Mınıstrlik Qazaqstan Respýblıkasynyń Japonııadaǵy Elshiligimen jáne Qazaqstan Respýblıkasynyń Amerıka Qurama Shtattaryndaǵy Elshiligimen birlesip, qoljetimdi etý máselesin talqylaý maqsatynda Sony Interactive Entertainment ókilderimen turaqty jumys júrgizýde. Sondaı-aq PlayStation Network shotyna Qazaqstandyq banktik kartalary men tólem júıeleri arqyly tólemderdi júzege asyrý máseleleri talqylanýda», delingen vedomstvo habarlamasynda.
Mınıstrlik mamyr aıynda Amerıka Qurama Shtattary men Japonııadaǵy elshilikter Sony Enteractive Entertainment-pen kezdesý uıymdastyrýdy qarastyryp jatqanyn habarlaǵan edi. Osyǵan oraı, mınıstrlik máseleni odan ári zerdeleý úshin joǵaryda atalǵan uıymdardan jaýap kútýde.
Eske salaıyq, naýryz aıynda Sıfrlyq damý mınıstri Baǵdat Mýsın PlayStation sıfrlyq servısteriniń qazaqstandyq paıdalanýshylarynyń máselelerin sheshýdi tapsyrǵan edi.
Aıta keteıik, 2022 jyldyń naýryz aıynan bastap, Reseıde Sony Interactive Entertainment óz jumysyn toqtatqan. Sonyń nátıjesinde qazaqstandyqtar da óz PS Store dúkenine kirý múmkindiginen aıyryldy. Qazaqstan PlayStation júıesinde bolmaǵandyqtan, olar Reseı arqyly tirkelgen.
