Rostıslav Konıashkın atap ótkendeı, qazir «UAT» AQ Qorǵanys mınıstrligimen birlesip tirkeý kýáligi men áskerı bıletti sıfrlyq formatqa kóshirý boıynsha jumys júrgizýde.
«Qazir biz áskerı bıletterdi sıfrlandyrýǵa qatysty jumys júrgizip jatyrmyz. Meniń oıymsha elektrondy qujat kelesi jyldyń birinshi jartyjyldyǵynda qoljetimdi bolady», dedi Rostıslav Konıashkın.
Onyń aıtýynsha, Qorǵanys mınıstrliginiń áskerı esepke alý qujattaryn sıfrlandyrý boıynsha aýqymdy josparlary bar.
Eske sala ketsek, Sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsın tólqujattyń eGov Mobile mobıldi qosymshasynda qoljetimdi bolǵanyn habarlady. Ázirge sıfrlyq pasportty jeke basyn sáıkestendirý úshin Qazaqstanda ǵana paıdalanýǵa bolady.
