EO delegasııasyn Eýrokomısııanyń Vıse-prezıdenti jáne EO Syrtqy ister jáne qaýipsizdik saıasaty jónindegi Joǵarǵy ókili J.Borrell myrza basqardy.
Kezdesý barysynda ózekti óńiraralyq jáne jahandyq máseleler, sonyń ishinde qaýipsizdiktiń jalpy syn-qaterleri, Aýǵanstandaǵy jaǵdaıdy qosa alǵanda, ekonomıkalyq, saýda jáne ınvestısııalyq yntymaqtastyqty, qorshaǵan ortany qorǵaý, sý paıdalaný jáne klımat, sondaı-aq bilim, ǵylym jáne ınnovasııa salalaryndaǵy ózara is-qımyldy talqylandy.
Qazaqstandyq delegasııa basshysy 2022 jylǵy 27 qazanda Astanadaǵy Ortalyq Azııa memleketteri basshylarynyń jáne Eýropalyq Keńes Prezıdentiniń tarıhı alǵashqy kezdesýiniń negizgi qorytyndylaryn atap ótip, joǵary deńgeıde qol jetkizilgen ýaǵdalastyqtardy is júzinde iske asyrýdyń mańyzdylyǵyntoqtaldy. Ol sondaı-aq álemde jáne óńirde qarqyndy ózgerip jatqan ahýal jaǵdaıynda ózara múddelerdi saqtaı otyryp, taraptardyń kúsh-jigerin úılestirýdi kúsheıtýdiń mańyzdylyǵyn atap kórsetti.
M.Tileýberdi Qazaqstannyń ǵylymnyń, tehnologııalar men ınnovasııalardyń negizgi róline nazar aýdara otyryp, jan-jaqty yntymaqtastyqty arttyrýǵa jáne eýropalyq áriptestermen ózara baılanysty jaqsartýǵa daıyndyǵyn atap ótti.
Osyǵan baılanysty ol eýropalyq tarapqa jańa óńiraralyq ózara is-qımyl baǵdarlamalaryn bastaý týraly usynys jasady.
Qazaqstannyń bastamasyn Ortalyq Azııanyń barlyq memleketteriniń ókilderi tolyq qoldady.
SIM basshysy sondaı-aq Qazaqstanda sheteldik ınvestorlar úshin jasalǵan qolaıly ınvestısııalyq ahýal týraly atap ótti, elge 400 mlrd.dollardan astam sheteldik ınvestısııalardy tartýǵa yqpal etti.
Kezdesý qorytyndysy boıynsha birlesken málimdeme qabyldandy.
Aıta ketsek, 2023 jyldyń mamyrynda Astana qalasynda Ekinshi OA-EO ekonomıkalyq forýmy ótedi.
