Kezdesýdi Ulttyq akademııalyq kitaphana Qazaqstan Respýblıkasynyń Syrtqy ister mınıstrligi jáne Qazaqstan Respýblıkasynyń Norvegııa Koroldigindegi elshiligimen birlesip uıymdastyrdy.
Atalǵan kezdesýge memleket jáne qoǵam qaıratkerleri men ádebıettanýshy ǵalymdar qatysty. Abaı Qunanbaıulynyń «Qara sózderi» norveg tiline tuńǵysh ret aýdarylyp jaryq kórip otyr. Norveg tilinde shyqqan bul kitapqa Hakim Abaıdyń ómir joly tolyq qamtylyp berilgen.
Abaıdy óz tilinde sóıletken Oshıld Kıýlos, fılosof retinde ǵana emes, sonymen birge etnosaıasatqa, syndy birneshe salany qamtyǵan maman ıesi. Sonymen qatar Oshıld Kıýlos «Sirkel Forlag» baspasynyń bas redaktory.
Ǵalym Oshıld Kıýlostyń paıymyndaýynsha, Abaı ulttyq deńgeıden álde qaıda joǵary kóterilgen, tutas adamzatqa ortaq oıshyl. «Qara sózderi» áleýmettik synshyldyǵymen qatar ekzıstensııaldy máselelerdi tereń qaýzaýymen eýropalyq oqyrmandardyń da nazaryn aýdaryp otyr.
Baspager Oshıld Kıýlos óz sózinde kitaptyń norveg tiline aýdarylý barysynda Abaıdyń tereń fılosofııalyq oılaryn aýdarý tym qıynǵa soqqanyn, aldaǵy ýaqytta qazaq ǵalymdarymen birlese otyryp bul kitaptyń sapasyn taǵy da jetildire túsý jospary bar ekenin aıtty.
