Syılyq 2023 jyldan bastap, jyl saıyn «Proza», «Poezııa», «Dramatýrgııa» jáne «Balalar ádebıeti» syndy tórt nomınasııa boıynsha beriledi. Osynaý joǵary marapatqa 18 jastan 29 jasqa deıingi jas qazaqstandyqtar úmitker bola alady.
«Bıyl biz ádebıet salasyndaǵy kóptegen jobalarǵa bastamashylyq jasadyq. Mysaly, «Jańa qazaq ádebıeti» jobasynyń aıasynda jas avtorlardyń kitaby 3 myń dana taralymmen shyǵarylady. Sonymen qatar «Aıboz» tuńǵysh ulttyq ádebı syılyǵynyń jalpy júlde qory 35 mln teńgeni quraıdy. Bul tizimde erejesi bekitilgen prezıdenttik ádebı syılyq erekshe oryn alady. Munyń bárin memleket elimizdiń ádebıetshilerin qoldaý maqsatynda jasap otyr», dedi Dáýren Abaev.
Sondaı-aq mınıstrlik jalpy júlde qory 46 mln teńgeni quraıtyn (bes nomınasııa boıynsha 16 syılyq) DALA DAUYSY respýblıkalyq konkýrsyn jarııalady. Joba estradadan klassıkalyq shyǵarmalarǵa deıingi ár túrli baǵyttaǵy mýzyka oryndaýshylardy qoldaýǵa baǵyttalǵan.
Jıynda SQO turǵyndary mádenıet jáne sport salasy ókilderiniń eńbekaqysyn kóterýge qatysty suraqtar qoıdy. Mınıstr sabaqtan tys sporttyq sabaqtardy ótkizgeni úshin pedagogterdiń eńbekaqysy bazalyq laýazymdyq eńbekaqydan 100% - ǵa artqanyn aıtty. Sonymen qatar 2023 jyly dene shynyqtyrý jáne sport salasyndaǵy mamandandyrylǵan mektepter men kolledjder pedagogteriniń jyl saıynǵy eńbekaqysy 100% - ǵa ósedi. Al chempıondar men olardyń jattyqtyrýshylarynyń ómir boıy qamtamasyz etilý mólsheri tórt ese ósti. «Ulttyq» mártebesi bar bes jetekshi mádenıet uıymdarynyń qyzmetkerleriniń eńbekaqysy 75% - ǵa artty. Mádenıet jáne óner salasyndaǵy qazaqstandyq joǵary oqý oryndarynyń oqytýshylarynyń eńbekaqysy eki ese kóterildi.
Oblys turǵyndary mınıstrmen óńirdegi týrızmdi damytýdyń ózekti máselelerin talqylady. Mysaly, qazirgi tańda Soltústik Qazaqstan oblysynda týrızm salasynda jalpy somasy 2,2 mlrd teńgege 10 ınvestısııalyq joba iske asyrylyp jatyr. Onyń ishinde Imantaý-Shalqar kýrorttyq aımaǵynda «Ajar» demalys bazasy tolyǵymen qaıta quryldy, al «Izýmrýdnaıa» demalys bazasynyń aýmaǵy keńeıtildi.
