– Búgin anam ekeýimiz ala tańnan saılaý ýchaskesine kelip, daýys berdik. Elimniń bolashaǵy úshin tańdaý jasadym. Kishkene shaǵymyzda áke-sheshemiz daýys berýge bara jatqanyn kórip, biz qashan saılaýǵa qatysady ekenbiz dep oılaıtynbyz. Alǵashqy saılaýym bolǵan soń boıymda azdap qobaljý bar. Bizdiń tobymyzda 18 stýdent oqıdy. Kámelet jasyna tolǵan qurby-qurdastarymnyń daýys berýge degen yntalary zor. Jańa Qazaqstannyń Prezıdenti ádiletti, halqynyń qamyn jeıtin azamat bolýy kerek dep oılaımyn, - deıdi ol.
О́z qurdastarynyń aldy bolyp kelip, tańdaýyn jasaǵan Saraǵa saılaý komıssııasynyń músheleri estelik syılyq tabystady.
№ 125 ýchaskelik saılaý komıssııasynyń tóraǵasy Qorlan Omarova atap ótkendeı, saılaý ýchaskesinde 2191 adam daýys beredi. Sonyń ishinde 18 jasqa tolǵan 10 azamat tirkelgen. Múmkindigi shekteýli adamdarǵa úıden daýys berýge jaǵdaı jasalǵan. Kúndizgi saǵat 12.00-den keıin ýchaskeniń eki múshesi aldyn ala berilgen ótinishter negizinde úıden daýys beretinderge shyǵady.
