– Nuresil aýylyndaǵy №642 saılaý ýchaskesinde óz tańdaýymdy jasadym. Saılaýshylardyń belsendiligi joǵary. El bolashaǵyn aıqyndaıtyn sátte eshkim de syrt qalmaıtyndyǵy belgili. Halyqtyń kóńil-kúıi jaqsy, - deıdi Selınograd aýdandyq máslıhatynyń hatshysy Lázzat Qonarbaeva.
Saılaýdyń ótý barysy baqylaýshylardyń nazarynda. Kókshetaý qalasyndaǵy №3 orta mektepte ornalasqan №15 saılaý ýchaskesindegi baqylaýshy Gúlnur Muhambetalınanyń aıtýyna qaraǵanda, jaýapty naýqan barynsha uıymshyldyqpen ótkizilýde.
–Saılaýshylardyń deni tańerteń kele bastady. Ýchaskedegi jaýapty qyzmetkerler óz isterin jetik biledi. Egde adamdardy quraq usha qarsy alyp, qalaı daýys berýge bolatyndyqtaryn túsindirip jatyr. Barlyǵy talapqa saı ótkizilýde, - deıdi ol.
Kókshetaý qalasyndaǵy «Kókshetaý» mádenıet saraıynda ornalasqan №18 saılaý ýchaskesinde de azamattar óz tańdaýyn jasaýda. Ýchaskelik komıssııanyń tóraǵasy Janat Qaıyrovtyń aıtýyna qaraǵanda, munda 271 saılaýshy tirkelgen. Tańǵy toǵyzǵa deıin 95 adam daýys berip úlgerdi. Baqylaýshylar tarapynan eshbir eskertý oryn alǵan joq.
