Halyqaralyq baıqaýshylarǵa arnalǵan qolǵabys kórsetý ortalyǵynda ótken brıfıngke qatysqan Dmıtrıı Kobýskıı saıası dodada el turǵyndary erekshe belsendilik kórseterine senimdi.
«Bizdiń sarapshylar saılaý prosesin retteıtin barlyq zańnamany qarap shyqty. Eshqandaı buzýshylyq anyqtalǵan joq. Uıymnyń quqyqtyq qorytyndysyn Parlamenttiń qos palatasyna jáne Ortalyq saılaý komıssııasyna berdik. Saılaýdy retteýge qatysty dúnıelerdiń bári Qazaqstannyń zańnamasynda kórinis tapqan», dedi Dmıtrıı Kobıskıı.
Ol mıssııa baıqaýshylary elimizdiń kóptegen oblysynda jáne 13 memlekette kúni boıy jumys isteıtinin jetkizdi.
«Kúni boıy kórgen dúnıemizdiń bárin qorytyndy qujatqa jazatyn bolamyz. Keshkilik barlyq top ony bekitip, erteń Ortalyq saılaý komıssııasynda baspasóz máslıhatyn ótkizemiz. Onda saılaýdyń aldyn ala qorytyndylarynan keıin uıymnyń qorytyndymyzdy jarııa etemiz», dedi ol.
