Saılaý ýchaskesiniń tiziminde О́zbekstan aýmaǵynda turaqty jáne ýaqytsha turatyn 600-den astam qazaqstandyq bar. El bolashaǵyn anyqtaýǵa atsalysý maqsatynda О́zbekstannyń túkpir-túkpirinen Tashkentke Qazaqstan Respýblıkasynyń azamattary keledi.
О́zbekstanda jeke, resmı jáne týrıstik maqsatta júrgen qazaqstandyqtar da daýys berýge keledi.
«Biz oqý-jattyǵý jıynynda júrgen Tashkent oblysynyń Almalyq qalasynan arnaıy keldik. Biz árbir azamat óz eline adal qyzmet etip, bolashaǵymyz úshin daýys berýi kerek dep esepteımiz», dedi baıdarka men kanoede esýden Qazaqstan quramasynyń kapıtany Tımofeı Emelıanov jýrnalısterge bergen suhbatynda.
Elshilik qyzmetkerleri saılaýdyń ashyqtyǵy men jarııalylyǵyn, saılaý ýchaskesiniń úzdiksiz jumys isteýin qamtamasyz etýge bar kúsh-jigerin saldy. Qonaqtardy jyly qarsy alyp, ulttyq taǵamdardan dastarhan jaıyldy.
Tańerteńgi saǵat 7:00-de bastalǵan daýys berý jergilikti ýaqyt boıynsha keshki saǵat 20:00-ge deıin jalǵasady.
