sýret: Erlan Omar
Halyqaralyq baıqaýshylarǵa arnalǵan qolǵabys kórsetý ortalyǵyndaǵy brıfıngke qatysqan Armenııa-Qazaqstan parlamenttik dostyq tobynyń jetekshisi, Armenııa Respýblıkasy Ulttyq Assambleıasynyń óńirlik jáne eýrazııalyq ıntegrasııa máseleleri jónindegi turaqty komıssııasy tóraǵasynyń orynbasary Vagarshak Akobıannyń aıtýynsha, Ujymdyq qaýipsizdik týraly shart uıymy Parlamenttik Assambleıasynyń ókilderi kesheli beri úzdiksiz jumys istep jatyr.
«Biz saılaýǵa túsip jatqan kandıdattardyń shtabtarynda boldyq. Túrli qurylymdardyń ókilderimen kezdestik. Tańerteńnen beri ýchaskelerdi aralap júrmiz. Saılaýshylardyń belsendiligin joǵary baǵalaý kerek. Saǵat 10:00-de biz barǵan ýchaskelerdegi saılaýshylardyń 10 paıyzdan astamy daýys berip úlgergen. Bul jaqsy kórsetkish. Uıymdastyrý jumystarynyń joǵary deńgeıde ekenin atap ótýge tıispiz. Prosesti muqııat qadaǵalap otyrmyz. Saılaý qorytyndysy Qazaqstan turǵyndaryn biriktire túsedi degen oıdamyn», dedi Vagarshak Akobıan.
Ujymdyq qaýipsizdik týraly shart uıymynyń Parlamenttik Assambleıasy Hatshylyǵynyń basshysy – jaýapty hatshysy Sergeı Pospelov saılaý ýchaskeleri ashylǵanǵa deıin birqatar ýchaskede kezek qalyptasqanyn atap ótti.
«Ujymdyq qaýipsizdik týraly shart uıymynyń Parlamenttik Assambleıasy Qazaqstandaǵy referendým kezinde de jumys istegen bolatyn. Al búgin bizdiń top Astana qalasynda, Aqmola oblysynda jáne Bishkek qalasynda jumys istep jatyr. Olar da saılaýshylardyń belsendi ekenin atap ótýde. Ázirshe eshqandaı buzýshylyqty baıqamadyq. Saılaý ýchaskeleri jabylǵansha óz jumysymyzdy jalǵastyramyz. Bizbiń baıqaýshylar daýys sanaýǵa da qatysady. Keshke qorytyndy qujatty ázirleımiz», dedi Sergeı Pospelov.
