Alma Saılaýqyzy elordadaǵy №89 mektep-lıseıiniń ǵımaratynda ornalasqan №395 saılaý ýchaskesinde óz tańdaýyn jasady.
- Búgin biz otbasymyzben saılaýǵa birinshi ret kelip turmyz. Balalarymyz ósip, es kirgenge deıin otaǵasy ekeýmiz ǵana keletinbiz. Negizi saılaýmen bizdiń ómirimizdi kóp dúnıe baılanystyrady. Birinshiden, meniń tegim – Saılaýqyzy. Ákem Saılaý 1948 jyly 11 qańtarda sol kezdegi Keńes Odaǵynda saılaý bolyp jatqanda dúnıege kelgen. Úıiniń tuńǵyshy, ata-anasy osyndaı mańyzdy kúnde dúnıege keldi dep, esimin Saılaý qoıǵan. Sodan beri saılaý bizdiń ómirimizde mańyzdy oryn alady. О́ıtkeni bul – demokratııalyq qoǵamda ómir súretin adamnyń jeke tańdaýyn bildiretin tańdaý quqyǵy. Joldasym ekeýmizdiń tanysyp, eki jaqtyń ata-analaryn osy Prezıdent saılaýy ótip jatqan kúni tanystyrǵan bolatynbyz. Ol kún de erekshe kún boldy, otaǵasy ekeýmiz azamattyq boryshymyzdy ótedik. Ekeýmiz daýys berip kelgennen keıin, ata-analarymyzdy tanystyrdyq. Osyndaı sátter teginnen tegin emes, jaı sáıkestik. Degenmen de bul sáıkestik mańyzdy kúnge degen bizdiń kózqarasymyzdy aıqyndaıdy. Jalpy biz elimiz úshin osyndaı mańyzdy saıası naýqandardyń eshqaısysynan qalǵan emespiz, - deıdi ol.
Ata-anasymen erip kelgen olardyń uly Erasyl Baıqoja da kelgen.
Nazarbaev zııatkerlik mektebiniń 8-synybynda oqımyn. Bizdiń oqý ornynda da mektep prezıdenti saılanatyn. Búgingi saılaý prosesin soǵan uqsattym. Onda da dál búgingideı kandıdattarǵa daýys berip, keıin nátıjesin shyǵarǵan edi. Biraq elimizdegi osyndaı úlken saıası naýqandy birinshi ret ózim kórip, kýáger bolyp turmyn. Bul – tarıhı sát. Alǵan áserim erekshe, tipti sózben jetkizý múmkin emes, - deıdi kópbalaly otbasynyń balasy Erasyl Baıqoja.
Aıta keteıik, elordadaǵy №395 saılaý ýchaskesinde 2 393 saılaýshy tirkelgen, onyń bireýi úıinen daýys berýge ótinish qaldyrǵan.
