Barsha qazaqstandyqty Qasym-Jomart Toqaevtyń senimdi jeńisimen quttyqtaımyn! Mundaı joǵary nátıje Prezıdenttiń Ádiletti de qýatty Qazaqstandy qurý baǵytynyń elimizdiń barsha azamatynyń basyn biriktirip, qoǵam úmitin tolyq aqtaǵanyn kórsetedi.
Respýblıkalyq qoǵamdyq shtab músheleri barlyq óńir halqymen kezdesti. 3 mln saılaýshyny qamtyǵan 24 myńnan astam úgit-nasıhat is-sharasy ótkizildi. Barlyq salada qazaqstandyqtardyń Qasym-Jomart Toqaevty jáne onyń reformalar baǵytyn belsendi túrde qoldaıtyny baıqaldy. Kópshilik onyń halyqaralyq deńgeıdegi sarabdal saıasaty men qańtar oqıǵasy kezindegi batyl áreketterin atap ótti.
Azamattar belsendilik tanytyp, suraqtaryn qoıyp, óz pikirlerin ashyq bildirdi. Halyqtyń naqty ózgerister kútetini jáne oǵan ózderi áser etýge nıetti ekenderi sezilip turdy. Turǵyndar saýalynyń basym bóligi Qasym-Jomart Toqaevtyń saılaýaldy baǵdarlamasynda qamtylǵan. Ol kóptegen ózekti áleýmettik máseleni sheshedi jáne ondaǵy árbir is-shara naqty eseptelip, qarjylaı qamtamasyz etilgen.
Baǵdarlamanyń arqasynda biz aldaǵy 7 jylda el qalaı damıdy, halyqtyń turmysy qalaı jaqsarady degen qoǵamnyń basty suraǵyna jaýap bere aldyq.
2022 jyldyń 20 qarashasynda Táýelsiz Qazaqstannyń damýyndaǵy jańa kezeń bastaldy. Prezıdentimiz Qasym-Jomart Kemeluly Toqaevtyń basshylyǵymen biz alǵa qoıǵan barlyq maqsatqa birge jetetinimizge senimdimin!
Qazaqstan halqy óz tańdaýyn jasady! Endi bizge tek jumys isteý kerek!
Erlan QOShANOV,
Májilis Tóraǵasy
