Kollajdy jasaǵan Qonysbaı ShEJIMBAI, «EQ»
«Atameken» UKP basqarma tóraǵasynyń orynbasary Tımýr Naqypbekov Ulttyq palatany transformasııalaý aıasynda óńirlerdiń ereksheligin eskere otyryp, salalyq komıtetter qurylatynyn atap ótti. Komıtetterdiń maqsaty – bıznesten salalyq saraptamany kúsheıtý, salalardy damytý baǵdarlamalaryn damytý. Almatyda týrızm jelisi boıynsha birinshi salalyq komıtettiń qyzmeti bastaldy. Komıtetterdi qurý bastamasy UKP-nyń H sezinde qoldaý tapty.
«Memleket basshysy týrıstik ınfraqurylymdy damytý, sheteldik ınvestorlardy tartý jáne eldiń búkil ekonomıkasyn damytý úshin qajetti týrızm salasyndaǵy birlesken jobalardy iske qosýǵa qajetti jaǵdaı jasaýdyń mańyzyn erekshe atap ótti. О́KP alańynda komıtet qurý týraly bastamany qyrkúıekte bıznes-qoǵamdastyqpen kezdesýde Almaty qalasynyń ákimi jáne UKP Tóralqa tóraǵasy qoldady. Salalyq komıtetterdi qalyptastyrý boıynsha jumys búkil respýblıka boıynsha júrgiziledi», dep atap ótti T.Naqypbekov.
Spıkerdiń aıtýynsha, qazir Ulttyq palatada shaǵyn jáne orta bızneske erekshe nazar aýdarylyp jatyr. Al komıtet janynan qurylǵan óńirlik alańdar týrıstik saladaǵy bıznestiń birlestigi retinde qyzmet etedi. Mindetterdi tıimdi iske asyrý úshin Palata klıentke baǵdarlanýǵa jáne bıznes máselelerin sheshýge basymdyq jasady. Sondaı-aq memlekettik organdarmen tyǵyz jumysty kúsheıtýdi josparlanǵan. «Atameken» bıznes úshin biliktilik pen saraptama ortalyǵyna aınalady.
Týrızm salasyndaǵy komıtet Almaty qalasynyń kásipkerler palatasy janynan jumys isteıdi. Onyń maqsaty – qaladaǵy týrızm salasynyń damýyna yqpal etý. Budan basqa alańda salalyq damý baǵdarlamalary, ınvestısııalyq jobalar, ádisnama, óńiraralyq jáne salaaralyq yntymaqtastyq máseleleri, salanyń túıtkildi máseleleriniń tizilimi talqylanady.
«Bul gýmanıtarlyq organ, negizgi jumysymyzdan ýaqyt bólýge týra keledi. Biraq onyń jumysyna jumylýymyz kerek. Men qoldanbaly qyzmet, praktıkalyq qadamdar úshin daýys beremin. Komıtet otyrystarynda qoldanbaly máseleler týraly sóıleseıik», dedi Rashıda Shaıkenova.
Almaty qalasy О́KP О́ńirlik keńesiniń tóraǵasy Maksım Baryshev sala damysa tabysty qala ǵana emes, búkil el alatynyn aıtty.
«Jaz kezinde elge kelgen týrıst orta eseppen táýligine 50 dollar, qysta orta eseppen táýligine 250 dollar ákeledi. Týrızmdi damytý bizge qarjy aǵynyn ákeletin baǵyt, muny biz naryqtyń kásipqoılary retinde jumysta iske asyra alamyz», dedi M.Baryshev.
Kaz Alpine club basqarma tóraǵasy Tımýr Dúısenǵalıev bastamany qoldap, komıtet komandasy jaqyn arada is-sharalar tizbesin usynyp, jańa organnyń jumys saıasatyn qalyptastyrýǵa tıis ekenin atap ótti.
«Biz jumysqa daıynbyz. Endi О́KP bizdiń salamyzdyń túrli saladaǵy bıznespen naqty ózara is-qımyl tetigin pysyqtaýy mańyzdy. О́ıtkeni biz óz tájirıbemizde ýaqyt óte kele jumys istemeıtin ondaǵan keńes pen komıtetti kórdik. Eger bizdi shynymen tyńdaı bastap, saraptamalyq pikirimizdiń negizinde zańǵa táýeldi aktilerge ózgerister engize bastasa, onda biz naqty jumys isteı bastaımyz», dedi ol.
Qazaqstan qolónershileri odaǵynyń tóraǵasy Aıjan Bekqulova týrızm salasyndaǵy qolónershiliktiń úlken rólin atap ótip, qolónerdi kádesyılar óndirý ortalyǵy retinde emes, salanyń ózin-ózi qamtamasyz etetin baǵyt retinde qaraýǵa shaqyrdy.
Almaty qalasy kásipkerler palatasynyń dırektory Aıtýar Qoshmambetov komıtet jumysynyń tujyrymdamasyn usyndy.
«Qalada etnotýrızmnen bastap iskerlik forýmdar men kórmelerge deıin aýqymdy sala usynylǵan. Sonymen qatar salany odan ári damytý úshin birlese sheshetin kóptegen másele bar. Komıtet jumysy qalada týrızm salasyn damytýda zor mańyzǵa ıe», dep atap ótti A.Qoshmambetov.
Komıtettiń kelesi otyrysynda barlyq taraptyń qatysýymen jumys jospary bekitiledi. Kásipkerler komıtettiń turaqty jumysy elimizdiń týrıstik salasyn damytýdyń 2019-2025 jyldarǵa arnalǵan memlekettik baǵdarlamasyn iske asyrýdy jaqsartýǵa kómektesetinine senimdi. Baǵdarlama eldiń IJО́-degi týrızm úlesin 2025 jylǵa qaraı 8%-ǵa deıin jetkizýge tıis.
