Aksııanyń maqsaty – halyqqa joǵary tehnologııalyq medısınalyq kómek kórsetý. Mamandar tobynda kardıohırýrg Erlan Deneev, angıohırýrg Talǵat Sársembaev jáne kardıolog Nazıra Alıbaeva bar. Sondaı-aq Shymkent pen Myrzakent qalalarynda arıtmolog Rınat Kamıev osy top quramynda bolady.
Qabyldaý kúnderi men mekenjaıy:
Shymkent qalasy - 28 qarasha, Shymkent júrek ortalyǵy
Myrzakent - 29 qarasha, Aýdandyq ortalyq aýrýhana
Atakent - 30 qarasha, Aýdandyq ortalyq aýrýhana
Asyqata - 1 jeltoqsan, Aýdandyq ortalyq aýrýhana
Jetisaı qalasy - 2 jeltoqsan, Aýdandyq ortalyq aýrýhana
Qabyldaý ýaqyty: 09:00-18:00 saǵ. (túski úzilis 13:00-14:00 saǵ.).
Keńes alýǵa kelýshilerdiń qolynda jeke basyn kýálandyratyn qujaty men burynǵy saraptamalarynyń nátıjesi bolýy kerek. Sondaı-aq:
- kardıohırýrgqa: EKG, EhoKG hattamasyn, koronarografııa/KT dıskisin jáne barlyq úzindi kóshirimderin, tekserýler men taldaýlar nátıjesin;
- arıtmologqa: EKG, Holter EKG, EhoKG hattamasyn.
- angıohırýrgke: qantamyrlar ÝDDG, KT nemese aortografııa dıskisin jáne barlyq úzindi kóshirimderin, tekserýler men taldaýlar nátıjesin.
-kardıologqa: júrek ÝDDG, EHOKG hattamasy, barlyq úzindi kóshirimderin, tekserýler men taldaýlar nátıjesin ákelýge tıis.
Dárigerlerdiń qabyldaýy men oǵan jazylý týraly basqa da aqparatty osy medısınalyq uıymdardan alýǵa bolady.
