Medısına • 24 Qarasha, 2022

Omyrtqaǵa jasalǵan operasııalar

75 ret kórsetildi

Sońǵy jyldary megapolıs medısınasyn damytýda neırohırýrgterdiń ornyn aıryqsha atap ótýge bolady. Aıaǵynan tik turyp saǵattar boıy ajalmen arpalysatyn aq jeleńdi abzal jandarǵa operasııa jasaý kúndelikti is bolǵanymen, onyń arasynda otandyq densaýlyq saqtaý salasyndaǵy jetistik bolyp sanalatyn oqıǵalar da bar. Sonyń ishinde sońǵy kúnderi jasalǵan birneshe erekshe operasııanyń jaı-japsaryn oqyrmandarǵa jetkizgen lázim.

Kollajdy jasaǵan Qonysbaı ShEJIMBAI, «EQ»

Bel omyrtqadaǵy jaryqty sylyp tastady

О́tken aptada Ortalyq qala­lyq klı­nıkalyq aýrýhana dáriger­le­ri 37 jastaǵy pasıenttiń omyrt­qa­syndaǵy jaryqty shaǵyn ınva­zıvti ádispen alyp tastady. Jo­ǵary tehnologııalyq operasııa MÁMS sheńberinde jasaldy. Neı­rohırýrgııa bólimshesiniń meń­gerý­shisi Marat Almatovtyń aıtýynsha, naýqastyń bel omyrtqadaǵy osteo­handroz ben jaryqtyń zardabyn tartqanyna birneshe jyldyń júzi bolǵan. Naýqas bulshyq etterdiń seme bastaǵanynan sol aıaǵyn basa almaı qalǵan. Ádette, jaryqtyń mundaı túri omyrtqa qurylymynyń bir bóligin alyp tastaýdy qajet etetindikten aýyr operasııa jasalady. Osy joly mamandar aqyldasa kele, emniń meılinshe jeńil ári eń tıimdi shaǵyn ınvazıvti tásilin tańdady. Bul ádis keýde-bel omyrtqa tusynda qysylyp turǵan julyn qurylymyn tolyq qalpyna keltirýge múmkindik beredi.

«Operasııa jumsaq tinderdi kespeı, týbýstyq keńeıtkish arqyly jasaldy. Mundaı hırýrgııalyq operasııa bizdiń stasıonarda tuńǵysh ret jasalyp otyr. Vıntter teri arqyly engizildi. Operasııa barysynda omyrtqa arasyna jasandy dısk ornatyldy. Úsh saǵatqa sozylǵan operasııa sátti aıaqtaldy», dedi M.Almatov.

Mamandar jańa tehnologııalar­dyń kómegimen jasalatyn zamanaýı emdeý ádisi arqyly operasııa ýaqytyn qysqartyp, jaqsy ná­tı­je­ge qol jetkizýge bolatynyn, sonymen qatar pasıent operasııadan keıin kóp uzamaı aıaqqa turatynyn aıtady.

Osy joldar jazylyp jatqanda aýrýhanadan shyǵýǵa daıyndalyp jatqan pasıent: «Keıingi kezde óz aıaǵymmen júrýden kúder úze bastaǵan edim. Múgedek arbasyna tańyldym. Qazir ózim júrip-turamyn. Aıyǵyp kele jatyrmyn, aýyrǵany qoıdy. Neırohırýrgııa bólimshesiniń dárigerleri men medbıkelerine alǵystan basqa aıtarym joq», dedi.

Moıny synǵan adamdy ómirge qaıtardy

Sol sııaqty №4 qalalyq klı­nı­­ka­lyq aýrýhanasynyń neıro­hırýrgteri de jańa ádiske júgi­nip, aýrýhanada buryn-sońdy jasal­ma­ǵan operasııa jasady. Ozyq teh­no­logııalardyń kómegimen moıny synǵan er adamnyń densaýlyǵyn qalpyna keltirip, múgedektikten aman alyp qaldy.

48 jastaǵy naýqastyń moıyn omyrtqasy qatty aýyrǵany sonsha, basyn tipti bura almaı qalǵan. Tekserýden keıin shuǵyl neırohırýrgııa bólimshesine jatqyzylǵan naýqastyń omyrtqasyna kelesi kú­ni birden tehnıkalyq kúrdeli ári sırek operasııa jasaldy. Bul hı­rýr­gııalyq operasııa tis tárizdi ósin­dini burandamen transdental­dy osteosıntezdeý dep atalady. Neı­ro­-
hırýrgııa mamandary naý­qasty múge­dektikten qutqaryp, qa­lyp­ty ómirin saqtaý úshin emdeýdiń osy ádisin alǵash ret qoldanýdy uıǵarǵan.

Qanatqaqty operasııany sáti­men júzege asyrǵan neırohırýrg Tımýr Aıtmuhanov: «Moıyn jeti omyrt­qa­dan turady. Birinshi jáne ekinshi omyrtqa kóteretin fýnksıonaldyq júktemege baılanysty túbegeıli erek­she mánge ıe. Birinshi omyrtqa – Atlant, ekinshi omyrtqa – Aksıs. Olar bir-birimen S2 omyrtqasynyń tis tárizdi ósindisi men Atlanttyń al­dyń­ǵy doǵasynan túziletin Krıý­vele býyny arqyly baılanysady. Omyrtqanyń bul segmentiniń mańyzdylyǵy sonda, medısına mamandarynyń pikirine súıensek, bas qozǵalysynyń 50-den 70%-yna deıin osy bólik atqarady. Biraq tis tá­rizdi ósindisi synǵan kezde onyń osy qyzmetine zaqym kelip, zardap shegedi», deıdi.

Osylaısha, biregeı operasııa ar­qyly naýqastyń moıyn omyrt­qa­syndaǵy qozǵalystar qalpyna kel­tirildi.

Neırohırýrgter ımplanttyń jumysyn ornatylǵannan keıingi birinshi kúni, bir aıdan keıin, úsh aıdan keıin jáne alty aıdan soń tekseredi. Bul ádis pasıentti aýrý­hana tósegine tańyp qoımaı, naýqastyń múgedektikke dýshar bolý qaýpin de áldeqaıda tómendetedi.

 

ALMATY

Sońǵy jańalyqtar

Qyrǵyzdyń óńindeı...

О́ner • Búgin, 08:35

Áleýmettik jobalardyń áleýeti

Úkimet • Búgin, 00:01

Abyroıly Aǵzam aqsaqal

Aýyl • Keshe

Taǵy da tarıf týraly

Aımaqtar • Keshe

Qoldan shapqan qobyz

Rýhanııat • Keshe

Kúlánda apa

Eń qysqa áńgime • Keshe

Alash at tarıhy

Qoǵam • Keshe

Bir óleńniń tarıhy

Ádebıet • Keshe

Sultanmahmut jeńisi

Ádebıet • Keshe

Dala men daryn

Tarıh • Keshe

Uqsas jańalyqtar