Jıynda Memlekettik rámizderdiń 30 jyldyǵynyń qorytyndysy jáne memlekettik organdardyń vedomstvolyq nagradalar boıynsha usynystary týraly Mádenıet jáne sport mınıstri Dáýren Abaevtyń baıandamasy tyńdaldy.
Mınıstr jyl basynan beri elimizde Memlekettik rámizderdi dáripteýge baǵyttalǵan bes myńnan asa ártúrli formattaǵy is-shara ótkizilgenin aıtty.
Otyrysta Qazaqstan Respýblıkasy Sybaılas jemqorlyqqa qarsy is-qımyl agenttiginiń memlekettik rámizderdi nasıhattaý jáne qoldaný baǵytyndaǵy jumystarynyń jaı-kúıi jaıynda vedomstvo basshysy Oljas Bektenov aqparat berdi.
Sonymen qatar Almaty, Pavlodar jáne Túrkistan oblystary ákimdikteri óz óńirlerindegi Memlekettik rámizderdi qoldaný jáne nasıhattaý sheńberindegi jumys tájirıbelerimen bólisti.
Budan bólek jıynda Joǵarǵy Sot, Joǵary Sot Keńesi jáne Ulttyq ekonomıka mınıstrligi usynǵan vedomstvolyq nagradalar talqylandy. Talqylaý barysynda jekelegen usynystarǵa baılanysty komıssııa tarapynan eskertpeler aıtylyp, qosymsha pysyqtaý jumystaryn júrgizý tapsyryldy.
Otyrys sońynda Memlekettik keńesshi ýákiletti organdarǵa vedomstvolyq nagradalardy ońtaılandyrýǵa qatysty birqatar tapsyrma berdi.
