Tabıǵat tasyrlary jazalandy

О́ńirde brakonerlikti, bıolo­gııalyq resýrstar obektileriniń zań­syz aınalymyn anyqtaý jáne jolyn kesý maqsatynda «Brakoner» jalpy respýblıkalyq jedel-profılak­tıkalyq is-sharasy ótkizildi. Arnaıy operasııaǵa jergilikti polısııa qyzmeti, kóshi-qon jáne krımınaldyq polısııa, son­daı-aq «Ormanǵa jedel den qoıý jasaǵy» ınspektorlary, oblystyq ta­bıǵı resýrstar jáne tabıǵat paıda­lanýdy retteý basqarmasynyń ań­shylyq sharýashylyǵy kúshteri jumyldyrylǵan.

Oblys boıynsha barlyǵy 380-nen astam reıd uıymdastyrylǵan. Onyń barysynda tabıǵat qorǵaý zańna­ma­syn buzǵan 10 qylmystyq quqyq­buzý­shy­lyq, onyń ishinde 2 – zańsyz ań aýlaý, 7 – balyq resýrstaryn zańsyz óndirý jáne 1 – jerdi tıisti paıdalanbaý faktisi anyqtaldy. Tabıǵat qorǵaý zańnamasyn buzýshylardyń 358-i ákimshilik jaýapkershilikke tartyldy, onyń ishinde, 236-sy – ań aýlaý qaǵıdalaryn buzǵan, 101 – balyq aýlaý qaǵıdalaryn buzǵany úshin, 8 – aǵashtar men butalardy zańsyz keskeni úshin, 8 – qarýdy satyp alý, berý, esepke alý, saqtaý tártibin buzǵany úshin, tegis uńǵyly, gazdy qarý men patrondardy saqtaý, alyp júrý, tasymaldaý qaǵıdalaryn buzǵany úshin – 5. Quqyq buzýshylardan 78 qural, onyń ishinde tórt qaıyq, úsh qaıyq motory, alty atys qarýy jáne jalpy uzyndyǵy
5 850­ metr QHR óndirgen 65 monofılamentten jasalǵan sıntetıkalyq aý tárkilengen. Barlyq tárkilengen aý órteý arqyly joıyldy. Jalpy somasy 1,6 mln teńgeden astam ákimshilik aıyppul salyndy.

Shyǵys Qazaqstannyń tumsa ta­bı­ǵaty kez kelgen adamdy ózine baý­rap turatyny sózsiz. Bul óńirde jalpy­ulttyq deńgeıdegi aýdany 1,5 mln gek­tardan asatyn 24 tabıǵatty qorǵaý aımaǵy bar.