«Kún sýyp bastaǵan edi, gaz kelgeli úıimizge jylýlyq kirdi. Qalanyń adamymyz, biraq jer úıde turamyz. Otyn tasyp, pesh jaǵyp, kúl shyǵaryp ábden qınalatyn edik. Endi úıimiz tap-taza, ózimiz sharshamaıtyn boldyq. Áli de senbeı turmyn», deıdi Arys qalasynyń turǵyny.
Arysqa gaz júrgizý úshin «Temirlan» avtomattandyrylǵan gaz taratý stansııasynan 43 km jáne 107 km kvartal ishinde gaz qubyry tartyldy. Arys qalasy gazben tolyqtaı qamtylǵannan keıin, kógildir otyn aýdanǵa jaqyn eldi-mekenderge de tartylady.
«QazTransGaz Aımaq» AQ Túrkistan óndiristik fılıalynyń dırektory Nurjan Túımebaevtyń aıtýynsha, osy jylda fılıal 22 eldi-mekenge gaz júrgizip bastaǵan. Taǵy birneshe óńirdi gazben qamtý josparda.
Aıta keteıik, búginde ońtústik óńir tabıǵı gazdy eń kóp tutynady.
Buǵan deıin, ulttyq kompanııanyń basqarma tóraǵasy Sanjar Jarkeshov Prezıdenttiń tapsyrmasy boıynsha jasalǵan gaz salasyn damytýdyń Keshendi josparyna sáıkes, QazaqGaz 2030 jylǵa elimizdiń gazdandyrý kórsetkishin 65 paıyzǵa jetkizýdi kózdep otyrǵanyn aıtqan bolatyn.
