Aımaqtar • 27 Qarasha, 2022

Ekibastuzdaǵy apat: Aqaýdyń naqty sebebi anyqtalǵan joq

245 ret kórsetildi

Senbiden jeksenbige qaraǵan túni Ekibastuz qalasynyń jylý toraptarynda úlken apat boldy. Shahar ishindegi jylý jelilerindegi zaqymdanýdan ystyq sý tolassyz ysyrap bolyp, «Ekibastuzjylýenergo» JShS-yndaǵy 4 birdeı qazandyq toqtap qalǵan, dep habarlaıdy Egemen.kz.

«Pavlodarenergo» AQ habarlaǵandaı, apat 27 qarasha kúni, túngi saǵat 01.20 shamasynda oryn alǵan. Áýeli sýdyń óte kóp mólsherde ysyrap bolýynan №11 qazandyq agregaty isten shyǵady, odan 10 mınýt ótkende №13, 14, 15 qazandyqtary toqtaıdy. Sáıkesinshe shahardaǵy ortalyqtandyrylǵan jylýǵa qosylǵan barlyq nysandar, turǵyn úıler, áleýmettik mekemeler, kásiporyndarda jylý berý toqtap, qala túnde qatyp qaldy.

Kómirli shaharda 150 myńdaı halyq turady. Apattyń adam aıtqysyz ekenin eskergen Pavlodar oblysynyń ákimi Ábilqaıyr Sqaqov jeksenbi kúni tańerteńgilik Ekibastuzǵa jedel jetip, jaǵdaıdy kózimen kórdi. Ákim áleýmettik jelidegi paraqshasynda jaǵdaıdy baıandap, qala  turǵyndaryn sabyrlyqqa shaqyrdy.

- Jylý-elektr ortalyǵynda qazir apat boıynsha shtab qurylyp, ózimniń birinshi  orynbasarym Oleg Krýk, Ekibastuz qalasynyń ákimi Aıan Beısekın, «Pavlodarenergo» AQ jáne Ekibastuz JEO basshylary jaǵdaıdy baqylaýda ustaýda. Saǵat 11.00-degi  jaǵdaı boıynsha  stansııada sý tutyný úsh esege ósken. Sýdyń aǵyp ketýine test júrgizildi. Stansııada sý azaıyp jatqan joq. Bul jylý jelilerinde apat oryn alǵanyn aıǵaqtap otyr. Birneshe drondy ushyryp, jylý toraptaryndaǵy on zaqymdaný ornyn anyqtadyq. Jylý jelileriniń bir tusynda úlken apat oryn alǵan bolýy kerek, – dedi Ábilqaıyr Sqaqov beıneúndeýinde.

Buǵan qosa ákim jóndeý brıgadalary aqaýdy joıyp jatqanyn  jetkizdi.

Sondaı-aq Oleg Krýk pen qala ákimi Aıan Beısekın páter ıeleri kooperatıvteriniń jetekshilerimen shuǵyl jıyn ótkizdi. 

- Jylý-energo ortalyǵynda sý kóp kólemde aǵyp ketip jatyr. Jylý toraptaryndaǵy zaqymdanýlardan kóp kólemde sý joǵalǵan. 3 energetıkalyq qazandyq, 1 ystyq sý jylytatyn qazandyq jumys istep tur. Stansadaǵy temperatýralyq parametrler 42/51 gradýsty kórsetip tur. Sý aınalymy qamtamasyz etildi. Barlyq qajetti resýrstar jumyldyrylyp, kommýnaldyq qyzmetter men qala quraýshy kásiporyndardyń jumysy uıymdastyryldy. 15 jóndeý brıgadasy qurylyp, jylý qubyrlarynda oryn alǵan apattarmen shuǵyldanýda. Taǵy 4 brıgada ózge jerlerdegi yqtımal zaqymdanýlardy izdep jatyr, - dep habarlady Ekibastuz qalasynyń ákimi Aıan Beısekın.

Sońǵy jańalyqtar

Túrkııada taǵy da jer silkindi

Oqıǵa • Búgin, 11:51

Izraılde jer silkindi

Álem • Búgin, 10:03

Ekibastuzda ýaqytsha jylý óshiriledi

Aımaqtar • Búgin, 09:27

Úmitkerlerdi tirkeý bastaldy

Saılaý • Búgin, 08:58

Jańa medıa jáne ǵalam ekonomıkasy

Qoǵam • Búgin, 08:55

Egiske nesıe berý jalǵasyp jatyr

Nesıe • Búgin, 08:50

Dostyq jáne memlekettik múdde

Qazaqstan • Búgin, 08:45

Investısııa kólemi azaıǵan

Investısııa • Búgin, 08:40

«Qara pıma» kórermenge oı saldy

Teatr • Búgin, 08:35

Úzdikter qatarynda

Marapat • Búgin, 08:35

Jampoz

Qazaqstan • Búgin, 08:25

Jedel jeli qosyldy

Álem • Búgin, 00:28

Uqsas jańalyqtar