«Men ózime daýys bergen azamattardyń ǵana emes, búkil Qazaqstan halqynyń aldynda esep beretin boldym. Qazaqta «Baılyq ne kerek, adaldan jımasań, bılik ne kerek, ádildik qurmasań» degen sóz bar. Bul – buljytpaı ustanatyn ómirlik qaǵıdatym», degen Prezıdent sózi qaı-qaısymyzǵa bolsyn oı salǵany anyq.
Qasym-Jomart Toqaevtyń basty maqsaty – ádiletti memleket, ádiletti ekonomıka, ádiletti qoǵam qurýǵa baǵyttalyp otyr. Aldaǵy jeti jyl bederinde osy baǵytta aýqymdy jumystar atqarylatyndyǵyna eshqandaı shúbám joq.
«Qazaqta «amanat» degen asyl uǵym bar. Halqymnyń senimi – maǵan amanat. Osy amanatqa adal bolý – men úshin qasıetti paryz. El úmitin aqtap, Qazaqstandy órkendegen, baqýatty memleketke aınaldyrý úshin qolymnan kelgenniń bárin jasaımyn», dedi Prezıdent. Biz de Memleket basshysynyń elimizdi damýdyń jańa satysyna bastaıtynyna bek senimdimiz.
Eldiń múddesin bárinen bıik qoıatynyn aıtqan Qasym-Jomart Toqaevtyń árbir bastamasyn qoldaımyz, qýattaımyz. Eń bastysy, azat elimizde ádildik saltanat quryp, beıbitshilik besiginde terbele bereıik. El ishi daýdan, syrty jaýdan aman bolsyn!
Ábdimomyn JELDIBAEV,
kúıshi-kompozıtor,
Qazaqstannyń eńbek sińirgen mádenıet qaıratkeri
Jambyl oblysy,
Shý aýdany
