Joba boıynsha beınekameralardy qoǵamdyq oryndarda, qalanyń qylmysqa beıim aımaqtarynda, mektepter mańynda, turǵyn úılerdiń aýlalarynda ornatý qarastyrylǵan.
Qalada barlyǵy 1250 jalpy beınebaqylaý kamerasyn, 48 apparattyq-baǵdarlamalyq júıeni ornatý josparlanýda.
«Júıe baǵdarshamda júrý, jyldamdyqty arttyrý, toqtaý syzyǵynan ótý, bólingen jolaqpen júrý sııaqty jol qozǵalysy erejelerin buzýdy tirkeıdi. Buzýshylyqty túzetý avtomatty túrde júzege asady. Sodan keıin tártip buzýshylyq faktisi týraly derekter polısııaǵa jiberiledi. Eger polısııa qyzmetkeri júrgizýshiniń kináli ekenine kóz jetkizse, zańbuzýshylyqty óziniń elektrondyq sıfrlyq qoltańbasymen rastaıdy. Aıyppuldan túsken aqsha qalalyq bıýdjetke túsedi», dep habarlady Jambyl oblysynyń ákimdigi.
Barlyq quqyq buzýshylyqtar Bas prokýratýranyń Quqyqtyq statıstıka jáne arnaıy esepke alý jónindegi komıtetiniń Ákimshilik is júrgizýdiń biryńǵaı tizilimine avtomatty túrde tirkeledi.
