Prezıdent • 28 Qarasha, 2022

Prezıdent Reseı Úkimetiniń tóraǵasy Mıhaıl Mıshýstınmen kezdesti

Qasym-Jomart Toqaev Qazaqstan men Reseı arasyndaǵy ekijaqty yntymaqtastyqtyń qarqyndy damyp kele jatqanyn atap ótti. Onyń aıtýynsha, eki eldiń qarym-qatynastary saýda-ekonomıkalyq salada aıtarlyqtaı jetistikterge jetken, dep jazady Egemen.kz.

Dınar KERIM

– Biz Reseı Federasııasymen aradaǵy yntymaqtastyqty baǵalaımyz. Búgingi sapar óte mazmundy boldy. Bul – meniń jáne Vladımır Vladımırovıchtiń pikiri. Biz meniń Máskeýge jasaǵan saparymnyń nátıjesine kóńilimiz tolatynyn bildirdik. Deklarasııaǵa qol qoıyldy. Sonymen qatar biz saýda-ekonomıkalyq, ınvestısııalyq salalardaǵy ózara is-áreketterimizdiń ózekti máselelerin talqyladyq. Shekara mańy aýdandarynyń yntymaqtastyq forýmyn ashtyq. Jańa ǵana saýda-sattyqtyń basty kórsetkishteri atalyp ótti. Shyn máninde, byltyr taýar aınalymy 24,5 mıllıard dollardy qurady. Bıyl qazirdiń ózinde bul kórsetkishterge qol jetkizildi. Biraq jyldyń sońyna deıin áli de jańa sandar men jańa kórsetkishter paıda bolady, – dedi Memleket basshysy.

Qasym-Jomart Toqaev naqty nátıjelerge qol jetkizýge baǵyttalǵan belsendi ári tabysty jumysy úshin Mıhaıl Mıshýstınge alǵys aıtty.

555

О́z kezeginde Mıhaıl Mıshýstın memleketter basshylary qol jetkizgen ýaǵdalastyqtardy naqty júzege asyrýǵa daıyn ekenin jetkizdi.

– Siz Qazaqstan Prezıdenti laýazymyna qaıta saılanǵannan keıingi alǵashqy saparyńyzdy Reseı Federasııasyna jasaǵanyńyz mańyzdy. Bul reseılikter men qazaqstandyq seriktester arasyndaǵy kóp ǵasyrlyq dostyqqa negizdelgen baýyrlastyq, odaqtastyq qarym-qatynastyń odan ári nyǵaıa túsetinin kórsetedi. Jańa ǵana Kremlde Reseı Federasııasynyń Prezıdenti Vladımır Pýtınmen kelissóz júrgizdińizder. Sizder búgin dıplomatııalyq qarym-qatynastyń ornaǵanyna 30 jyl tolýyna oraı birlesken Deklarasııaǵa qol qoıdyńyzdar. Reseı men Qazaqstannyń yntymaqtastyǵyn nyǵaıtý jóninde strategııalyq sheshimder qabyldandy. Bizdiń, ıaǵnı eki el úkimetteriniń aldynda prezıdentterimiz kelisken ýaǵdalastyqtardy júzege asyrý mindeti tur, – dedi Reseı Úkimetiniń tóraǵasy.