Álıhan Smaıylov kásiporyn basshylyǵynyń nazaryn jumyskerlerdiń ólimi men jaraqattanýyna ákep soqtyryp jatqan ónerkásiptik qaýipsizdikti qamtamasyz etý salasyndaǵy eleýli kemshilikterge aýdardy. Sondaı-aq kombınattyń ekologııaǵa keltiretin zardaby týraly jáne óndiristi jańǵyrtýǵa baǵyttalatyn ınvestısııalar kóleminiń jetkiliksiz ekenin aıtty.
Premer-Mınıstr jaǵdaıdy túzetý úshin túbegeıli sharalar qabyldaýdy talap etti.
О́z kezeginde Vıdjaı Goıal «ArselorMıttal Temirtaý» AQ jumysshylarynyń ólimine ákelgen jýyrdaǵy tótenshe jaǵdaıǵa baılanysty ókinishin bildirdi. Ol jaǵdaıdy jeke ózi qarastyryp, túıtkildi máselelerdi sheshý maqsatynda qosymsha sharalar paketin ázirleý úshin Qazaqstanǵa arnaıy kelgenin aıtty.
Kezdesý qorytyndysy boıynsha Premer-Mınıstr kompanııa mindettemeleriniń oryndaýly Úkimettiń erekshe baqylaýynda bolatynyn atap ótti.
