Aqmola oblysynyń energetıka jáne turǵyn úı-kommýnaldyq sharýashylyq basqarmasynyń basshysy Danııar Qýanyshbaevtyń aıtýynsha, qazirgi ýaqytta qazandyq qalypty jumys istep tur.
Aýyldaǵy emhana, kitaphana sııaqty áleýmettik nysandar qalypty +20°S temperatýrada jumys isteıdi.
«Aýyldaǵy qazandyqtaǵy aqaýǵa baılanysty temperatýranyń ýaqytsha tómendeýi baıqaldy. Ásirese turǵyndardyń páterlerindegi temperatýraǵa baqylaý kúsheıtildi. Qazir temperatýra kóterilip jatyr. Turǵyn úılerdi turaqty tekserý páterlerdiń kópshiliginde +20°C, keı jerlerde +22°C temperatýrada ekenin kórsetedi», dedi Býrabaı aýdany ákiminiń orynbasary Erlan Bıdanov.
Eske salaıyq, Aqmola oblysy Býrabaı aýdanyna qarasty Býrabaı jáne Oqjetpes aýyldarynyń turǵyndary páterlerinde jylý joqtyǵyn aıtyp shaǵymdanǵan bolatyn. Termometrler 5-15 gradýsty kórsetti. Aýyldaǵy bir mekteptiń oqýshylary qashyqtan oqytý formatyna kóshti. Sheneýnikter qazandyqtyń jumys istep turǵan jabdyqtaryndaǵy tehnologııalyq aqaýǵa baılanysty ne bolyp jatqanyn túsindirdi.
