Qazaqstan Respýblıkasynyń Energetıka mınıstrligi men Fransııanyń Eýropa jáne syrtqy ister mınıstrligi arasynda Jambyl oblysynda qýaty 1 GVt bolatyn jel elektr stansııasyn salý máseleleri týraly Úkimetaralyq kelisimge qol qoıyldy.
Qol qoıý rásimine Memleket basshysy qatysty. Jel elektr stansııasy 2026-2027 jyldary paıdalanýǵa beriledi, bul bizdiń elimizdegi JEK nysandarynyń jıyntyq energııa óndirisin shamamen 50 paıyzǵa arttyrady.
Jobanyń boljamdy quny – 1,9 mıllıard dollar. Qazaqstanda alǵash ret jel elektr stansııasy elektr qýatyn jınaqtaý júıesimen tolyqtyrylady. Bul jobanyń biregeıligin kórsetedi. Atalǵan bastama jańartylatyn energııa óndirisiniń tabıǵı qubylmalylyǵyn retteýge, artyq elektr energııasyn jınaqtaýǵa jáne energııa jelisiniń turaqtylyǵyn qamtamasyz etýge múmkindik beredi.
