Qasym-Jomart Toqaev Fransııaǵa kúrdeli geosaıası jaǵdaı kezinde keldi. Degenmen Parıjdegi kezdesýlerdiń saıası aspektisine toqtalsaq, odan eshqandaı qaýip, saıası ózgeris kútýge bolmaıdy. Jalpy, Q.Toqaev prezıdenttiginiń basynan bastap eldi naqty demokratııalandyrýǵa: prezıdenttik ınstıtýttyń saıası yqpalyn azaıtýǵa jáne el ómirindegi parlamenttiń rólin arttyrýǵa bet burdy. Bul eýropalyq saıası qundylyqtar paradıgmasyna tolyǵymen sáıkes keledi, ásirese, mundaı basqarýdy Fransııa qoldaıdy. Al saıası qundylyqtardyń sáıkes kelýi elder arasyndaǵy ekonomıkalyq yntymaqtastyqty nyǵaıtýǵa yqpal etedi. Eýropalyq odaq – jalpy ınvestısııa kólemi 160 mıllıard dollardy quraıtyn Qazaqstan ekonomıkasynyń eń iri ınvestory. О́z kezeginde Qazaqstan – 24 mıllıard dollardy quraıtyn ekijaqty saýdasymen EO-nyń aımaqtaǵy jetekshi saýda seriktesi. Búgingi tańda Qazaqstan 170-ten astam fransýz kompanııasymen baılanys ornatqan.
