Taǵaıyndaý • 02 Jeltoqsan, 2022

Ulytaý oblysynyń ákimi taǵaıyndaldy

127 ret kórsetildi

Bul týraly Egemen.kz Prezıdenttiń baspasóz qyzmetine silteme jasap habarlaıdy.

«Memleket basshysynyń Jarlyǵymen Berik Ábdiǵalıuly Ulytaý oblysynyń ákimi laýazymyna taǵaıyndaldy», dep jazylǵan habarlamada.

Berik Ábdiǵalıuly 1971 jylǵy 18 qyrkúıekte Qaraǵandy oblysy Jezqazǵan kentinde týǵan. 1994 jyly ál-Farabı atyndaǵy Qazaq ulttyq ýnıversıtetin «Tarıh» mamandyǵy boıynsha támámdaǵan. Saıasattaný ǵylymdarynyń kandıdaty. 2017 jyly «О́ńirlik jáne mýnısıpıaldyq menedjment» mamandyǵy boıynsha MBA dárejesin RF Prezıdenti janyndaǵy Reseı halyq sharýashylyǵy jáne memlekettik qyzmet akademııasynda (Máskeý q.) qorǵaǵan.

10 kitaptyń jáne qazaqstandyq jáne sheteldik ǵylymı basylymdardaǵy 100-den astam ǵylymı jarııalanymdardyń avtory.

1994 - 1997 jyldary – Prezıdent janyndaǵy Qazaqstannyń strategııalyq zertteýler ınstıtýtynyń (QSZI) ǵylymı qyzmetkeri, ishki saıasat bóliminiń meńgerýshisi, dırektordyń orynbasary.

1997 - 1999 jyldary Baspa jáne buqaralyq aqparat isi jónindegi ulttyq agenttiginde, Mádenıet, aqparat jáne qoǵamdyq kelisim mınıstrliginde qyzmet atqardy.

1999 - 2001 jyldary – Qaýipsizdik Keńesiniń Taldaý ortalyǵy meńgerýshisiniń orynbasary.

2001 - 2002 jyldary – Qaraǵandy oblysy Temirtaý qalasy ákiminiń orynbasary.

2002 - 2005 jyldary – Ulttyq zertteýler ınstıtýtynyń dırektory, «Saıası aǵartý qory» QQ prezıdenti.

2005 - 2006 jyldary – «Atameken» kásipkerler men jumys berýshilerdiń jalpyulttyq odaǵynda keńesshi, «Atameken» ulttyq damý ortalyǵy» JShS dırektory.

2007 - 2008 jyldary – QR Prezıdenti Ákimshiliginiń bas ınspektory, Ishki saıasat bólimi meńgerýshisiniń orynbasary.

2008 - 2010 jyldary – «Memlekettik tildi damytý qory» QQ dırektory.

2010 - 2012 jyldary – Qaraǵandy oblysy Ulytaý aýdanynyń ákimi, Jezqazǵan qalasynyń ákimi.

2012 jyly – 1-shi vıse-premerdiń keńesshisi.

2012 - 2013 jyldary – Qostanaı oblysy Arqalyq qalasynyń ákimi.

2013 jyly – Qaraǵandy oblysy ákiminiń orynbasary.

2016 - 2017 jyldary – Prezıdent janyndaǵy QSZI dırektorynyń keńesshisi, bas ǵylymı qyzmetker, QR Qarýly Kúshteri Áskerı-tarıhı mýzeıiniń bas ǵylymı qyzmetkeri.

2017 - 2019 jyldary – QR Ulttyq mýzeıiniń «Qasıetti Qazaqstan» ǵylymı-zertteý ortalyǵynyń jetekshisi.

2019 - 2021 jyldary – Qaraǵandy oblysy Ulytaý aýdanynyń ákimi.

2021 - 2022 jyldary – VII shaqyrylymdaǵy Qazaqstan Respýblıkasy Parlamenti Májilisiniń depýtaty.

2022 jyldyń maýsym aıynan bastap Ulytaý oblysynyń ákimi.

Sońǵy jańalyqtar

Berik Berkimbaev qyzmetinen bosatyldy

Qoǵam • Búgin, 16:45

Elimizdiń basym bóliginde qar jaýady

Aýa raıy • Búgin, 16:36

Almatyda eki avtobýs soqtyǵysty

Aımaqtar • Búgin, 11:33

KMG Kashagan B.V. bas dırektory taǵaıyndaldy

Taǵaıyndaý • Búgin, 10:41

Uqsas jańalyqtar