Qoǵam • 02 Jeltoqsan, 2022

Elimizde tórt myńǵa jýyq dáriger tapshy

59 ret kórsetildi

Qazaqstanda medısınalyq kadrlardyń tapshylyǵy 7,7 myńnan astam mamandy quraıdy. Bul týraly Densaýlyq saqtaý mınıstri Ajar Ǵınııat aıtty, dep habarlaıdy Egemen.kz.

«Elimizdiń memlekettik medısınalyq uıymdarynda 270 myńǵa jýyq medısına qyzmetkeri jumys isteıdi, onyń ishinde 80 myńǵa jýyq dáriger jáne 190 myńǵa jýyq orta medısına qyzmetkerleri. Respýblıkada kadr tapshylyǵy 7,7 myńnan astam mamandy quraıdy, onyń ishinde dárigerler shamamen 3,9 myń mamandy, orta medısına qyzmetkerleri 3,8 myń mamandy quraıdy», dedi Ajar Ǵınııat Senatta ótken úkimet saǵatynda.

Mınıstrdiń aıtýynsha, 2021 jyly óńirlerde 3034-ten astam jas dárigerler jumysqa ornalasqan.

«Memleket basshysynyń tapsyrmasy boıynsha medısına qyzmetkerlerin yntalandyrý úshin jyl saıyn dárigerlerdiń jalaqysyn kóterý sharalary qabyldanýda. Medısına qyzmetkerleriniń kásibı jaýapkershiligin jáne medısına qyzmetkerleriniń mártebesin saqtandyrý júıesin engizýdi qamtamasyz etý úshin tıisti zań jobasy ázirlendi, ol qazir Parlament Májilisinde qaralýda», dedi basqarma basshysy.

Sońǵy jańalyqtar

Berik Berkimbaev qyzmetinen bosatyldy

Qoǵam • Búgin, 16:45

Elimizdiń basym bóliginde qar jaýady

Aýa raıy • Búgin, 16:36

Almatyda eki avtobýs soqtyǵysty

Aımaqtar • Búgin, 11:33

KMG Kashagan B.V. bas dırektory taǵaıyndaldy

Taǵaıyndaý • Búgin, 10:41

Uqsas jańalyqtar