Taǵaıyndaý • 02 Jeltoqsan, 2022

Mańǵystaý oblysynyń ákimi taǵaıyndaldy

114 ret kórsetildi

Bul týraly Egemen.kz Prezıdenttiń baspasóz qyzmetine silteme jasap habarlaıdy.

«Memleket basshysynyń Jarlyǵymen Nurlan Asqaruly Noǵaev Mańǵystaý oblysynyń ákimi laýazymyna taǵaıyndaldy», dep jazylǵan habarlamada.

Nurlan Asqaruly Noǵaev 1967 jyly týǵan. Bilimi joǵary, I.Gýbkın atyndaǵy Máskeý memlekettik munaı jáne gaz akademııasyn, Qazaq memlekettik basqarý akademııasyn, Reseı Syrtqy ister mınıstrligi janyndaǵy «Halyqaralyq qatynastar ýnıversıteti» Máskeý memlekettik ınstıtýtyn taý-ken ınjeneri, ekonomıst, halyqaralyq qatynastar mamany, ákimshilik iskerlik jónindegi sheber mamandyqtary boıynsha bitirip shyqqan.

Eńbek jolyn Aqtóbe oblysy, Qandyaǵash stansııasynda elektr sheberi bolyp bastaǵan.

1993-1995 jyldary Máskeý qalasyndaǵy «Gılı-Pasker» JShS-de munaı ónimderi jónindegi aǵa sarapshy, bólim bastyǵy, bas dırektor;

1995-1996 jyldary Almaty qalasyndaǵy «Otrar LTD» shaǵyn kásiporny bas dırektorynyń orynbasary;

1996-2006 jyldary «Qazaqtúrikmunaı» JShS-da ınjener, bas dırektory;

2006 jyldyń aqpan aıynan tamyz aıyna deıin «QazMunaıGaz Ulttyq kompanııasy» AQ-nyń atqarýshy dırektory;

2006 jyly Energetıka jáne mıneraldy resýrstar mınıstrligi munaı ónerkásibi departamentiniń dırektory bolyp istegen;

2007 jyldyń qyrkúıeginen 2010 jyldyń sáýir aıyna deıin Batys Qazaqstan oblysy ákiminiń orynbasary.

2010 jyldyń sáýir aıynan 2012 jyldyń qańtaryna deıin oblys ákiminiń birinshi orynbasary.

2012 jyldyń 20 qańtarynda Memleket basshysynyń Jarlyǵymen Batys Qazaqstan oblysynyń ákimi bolyp taǵaıyndaldy.

2016 jyldyń 26 naýryzynan Atyraý oblysynyń ákimi.

2019 jyldyń 18 jeltoqsanynan 2021 jylǵa deıin Energetıka mınıstri;

2021 jyldyń qyrkúıeginen beri Mańǵystaý oblysynyń ákimi bolyp eńbek etken. Búgin ol osy laýazymǵa qaıta taǵaıyndaldy.

 

Sońǵy jańalyqtar

Berik Berkimbaev qyzmetinen bosatyldy

Qoǵam • Búgin, 16:45

Elimizdiń basym bóliginde qar jaýady

Aýa raıy • Búgin, 16:36

Almatyda eki avtobýs soqtyǵysty

Aımaqtar • Búgin, 11:33

KMG Kashagan B.V. bas dırektory taǵaıyndaldy

Taǵaıyndaý • Búgin, 10:41

Uqsas jańalyqtar