Saıasat • 05 Jeltoqsan, 2022

Memleketke qaıtarylǵany – 3 mıllıon gektar jer

57 ret kórsetildi

«Amanat» partııasynyń Ortalyq apparatyn­da «Jer amanaty» komıs­sııasy­nyń keńeıtil­gen oty­rysy ótti. Jıyn ba­ry­synda atqaryl­ǵ­an ju­mystyń aralyq qo­ry­tyn­dysy shyǵary­lyp, aldaǵy mindetter aıqyndaldy.

Is-sharaǵa Májilistegi «Amanat» partııasy frak­sııa­sy­­nyń depýtattary, Bas prokýratýra, Aýyl sharýa­shylyǵy mınıstrliginiń bas­shylyǵy, qoǵam qaırat­kerleri, partııanyń óńir­lik fılıaldarynyń at­qarýshy hatshylary jáne taǵy basqalar qatysty.

Otyrysty ashqan partııa Tór­aǵasy Erlan Qoshanov jaıy­lymdyq jer máselesi Memleket basshysy Qasym-Jomart Toqaev­tyń jeke baqylaýynda ekenin atap ótti.

«Byltyr Prezıdent ıgeril­meı jatqan jerlerdi memleketke qaıtaryp alý týraly Úkimet pen Bas prokýratýraǵa arnaıy tapsyrma berdi. Bul jumysqa partııa janynan qurylǵan «Jer amanaty» komıssııasy da belsendi atsalysyp keledi. Máselen, búginde elimiz boıynsha 5 mıllıon gektar jer memleket menshigine qaıtarylsa, onyń naqty 3 mıllıon gektary «Jer amanaty» komıssııasynyń tikeleı aralasýymen iske asty», dedi Erlan Qoshanov.

Ol az ýaqyt ishinde komıs­sııa­nyń «jedel jelisine» tur­ǵyn­dardan 2,5 myńnan astam óti­nish kelip túskenin atap ótti. Halyq­tan kelip ketken ótinish-aryz­dyń barlyǵy jergilikti ákim­dik­termen jáne beıindi mı­nıstr­likpen birlesip muqııat qaraldy.

Sondaı-aq partııa tór­aǵasy aldaǵy ýaqytta atqary­la­tyn jumystardyń negizgi mindetterin atap ótti. Máselen, óńirlik komıssııalar memleketke qaıtarylǵan aýyl sharýa­shylyǵy jerleriniń halyq arasynda ádil bólinýine qatań baqylaý jasaýy qajet. Sondaı-aq jerdi zańsyz bólgen laýazymdy tulǵalardy jaýapkershilikke tartý jáne bolashaqta osyndaı faktilerge jol bermeý úshin tıisti sharalar qabyldaý kerek.

«Jer amanaty» komıssııa­sy­nyń músheleri árbir aýyl­dyq eldi mekendegi jaıylym tap­shylyǵy men memleket men­shigine qaıtarylǵan jer ýchas­keleriniń tizbesin kórse­tetin ınteraktıvti karta ázirleýdi usyndy.

Sondaı-aq otyrys barysynda Aýyl sharýashylyǵy mınıstri Erbol Qarashókeev, Bas prokýrordyń orynbasary Áset Shyndalıev, zańger Baqytjan Bazarbek, qoǵam qaı­rat­k­erleri Murat Ábenov, Ǵa­lym Baıtoq, jýrnalıst Maq­sat Tolyqbaı, par­tııa fı­lıal­darynyń at­qarýshy hatshylary jáne taǵy ba­s­qalar sóz sóılep, ıgerilmeı jatqan jerlerdi memleketke qaıtarý jumystaryna qatysty oılaryn ortaǵa saldy.

Sońǵy jańalyqtar

Astanada «Vaitursynuly.kz» saıtynyń tusaýkeseri ótti

Ahmet Baıtursynuly • 03 Aqpan, 2023

Tarazda tórt jasar balany toq soqty

Qoǵam • 03 Aqpan, 2023

Prezıdent qolónershiler kórmesin aralady

Prezıdent • 03 Aqpan, 2023

Uqsas jańalyqtar