Tabıǵat qorǵaý aksııasy ótýde

5 maýsymda ótetin Dúnıejúzilik qorshaǵan ortany qorǵaý kúni qoǵam nazaryn ekologııalyq problemalarǵa aýdarýǵa, tabıǵı resýrstardy tıimdi paıdalanýǵa úndeıdi. Bul kún ekologııalyq kúntizbede álemniń 100-den asa elinde merekelenetin eń mańyzdy oqıǵalardyń biri bolyp tabylady. Qorshaǵan ortany qorǵaý já­ne sý resýrstary mınıstrligi Ba­lyq sharýashylyǵy komıtetiniń buı­ryǵyna sáıkes 2014 jyldyń 1 mamyry men 5 maýsym araly­ǵynda Qorshaǵan ortany qorǵaý ha­lyqaralyq kúnin merekeleý qar­sańynda respýblıkalyq deńgeıde «Taza sý aıdyndary» tabıǵat qor­ǵaý aksııasy ótkizilýde. Aksııa sheńberinde tabıǵı resýrstar men qundylyqtardy molaıtý jáne saqtaý maqsatynda Qa­zaqstan Respýblıkasy Qorshaǵan ortany qorǵaý jáne sý resýrstary mınıstrligi Balyq sharýashylyǵy komıtetiniń oblysaralyq bas­seındik balyq sharýashylyǵy ıns­peksııalary uıymdastyrýymen respýblıkamyzdyń ár aıma­ǵyn­daǵy sý aıdyndary jáne jaǵa­laý aımaqtary turmystyq qal­dyqtardan, polıamıdti mono­jipterden jasalǵan balyq aýlaý aýlarynan tazartyldy. Atalmysh aksııaǵa janýarlar dúnıesin paıdalanýshylar, «Nur Otan» partııasynyń ókil­deri, tabıǵat qorǵaý polısııasy, jergilikti atqarýshy organdar, orta-arnaıy jáne joǵary oqý oryndary stýdentteri qatysty. Balyq sharýashylyǵy ınspeksııasy qyzmetkerleriniń bastamasymen jastar men jas­óspirim­derdiń ekologııalyq bilim-ta­nymyn jetildirý úshin orta-arnaıy jáne joǵary oqý orynda­rynda nasıhattaý jumystary júrgizildi. Aksııaǵa jalpy 2300-den as­tam adam qatysyp, 40 000 metr­deı polıamıdti monojipterden jasal­ǵan aýlar, jalpy kólemi 281 tonnadaı turmystyq qoqys jınalyp, qatty turmystyq qaldyqtar polıgonyna shyǵaryldy. «Taza sý aıdyndary» tabı­ǵat qorǵaý aksııasynyń qory­tyn­dysyna sáıkes, Balyq sharýa­shylyǵy komıteti bekit­ken talaptarǵa saı arnaıy quryl­ǵan komıssııa sheshimimen Aral-Syrdarııa oblysaralyq bas­seındik balyq sharýashylyǵy ınspeksııasy eń jaqsy nátıjeler kórsetkenin atap ótken jón, sonymen birge, eń belsendi dep tanylǵan qatysýshylar yntalandyrylyp, maqtaý qaǵazdarymen marapattalatyn bolady. Sondaı-aq, ótkizilip jatqan aksııanyń demalys merziminiń bas­talýyna tuspa-tus keletinin de atap ótý qajet. «Egemen-aqparat».