Saıasat • 06 Jeltoqsan, 2022

Ashyqtyq – mańyzdy ustanym

29 ret kórsetildi

Astanada «Qazaqstan Respýblıkasy Parlamentiniń qoǵamǵa ınstı­tý­sıo­­naldyq ashyqtyǵy» atty halyqaralyq konferensııa ótti. Bas­qosý barysynda senatorlar Qazaqstandaǵy parlamentarızmdi damy­tý qory, Aqparat jáne qoǵamdyq damý mınıstrligi, USAID, Internews jáne Astanadaǵy EQYU Baǵdarlamalar keńsesi­niń ókilderimen birge parlamentshilerdiń azamattyq qoǵam kóshbas­shylarymen ózara is-qımylynyń ózekti máselelerin talqylady.

Senat Tóraǵasynyń orynbasary Asqar Shákirov óz sózinde elimizdiń Prezıdenti Qasym-Jomart Toqaevtyń saıasatyndaǵy basymdyqtardyń biri – bılik pen qoǵam arasyndaǵy dıalogti damytý, azamattardyń memleketti basqarýǵa qatysýyn keńeıtý ekenin atap ótti.

«Memleket basshysy birneshe ret atap ótkendeı, bizdiń qoǵamdy tolǵandyratyn negizgi problemalar órkenıetti azamattyq dıalog aıasynda Parlamentte talqylanyp, sheshimin tabýǵa tıis. Qazirgi kezeńde ınklıýzıvtilik­ti arttyrý, zań shyǵarýshy organda ártúrli saıası kúshter men áleýmettik toptardyń ókildigin keńeıtý, depýtattyq korpýs jumysynda qoǵamǵa ashyqtyq pen transparenttilik mańyzdy ustanymdar bolyp tabylady», dep atap ótti Asqar Shákirov.

Tóraǵa orynbasary «halyq únine qulaq asatyn memleket» tujyrymdamasynyń qaǵıdat­taryna sáıkes Parlamentte azamat­tyq qoǵammen jáne sarapshylar­men dıalog júrgizý úshin arnaıy alańdar qurylǵanyn atap ótti.

Senat janynda zań shyǵarý qyzmetindegi jas sarapshylardyń áleýetin damytýǵa baǵyttalǵan Jas sarapshylar klýby quryldy. Sondaı-aq Senatorlar keńesi, «Ulttyq múdde» dıalog alańy jáne Jergilikti ókildi organdarmen ózara is-qımyl jónindegi keńes jumys isteıdi.

Sonymen qatar zań jobalaryn jumys toptary aıasynda talqylaýǵa úkimettik emes sektor­dyń, ǵylymı jáne saraptamalyq qoǵam­dastyqtyń ókilderi de qaty­sady. Bul rette onyń asa mańyzdy zańdardy ázirleý jáne qabyldaý kezinde erekshe máni bar.

Kezdesýge qatysýshylar Parla­menttiń zań shyǵarý qyzmeti aıasyn­daǵy ózara is-qımyldyń budan bylaıǵy joldaryn talqylady jáne osy baǵyttaǵy birlesken jumysty jalǵastyrýǵa daıyn ekendikterin bildirdi.

Sońǵy jańalyqtar

Dollar 460 teńgeden tómen tústi

Qarjy • Búgin, 17:08

Erteń elordada Úkimet otyrysy ótedi

Úkimet • Búgin, 14:21

Qazaqstanda aýasy eń las qala ataldy

Ekologııa • Búgin, 12:59

Uqsas jańalyqtar