Onda senatorlar taýarlardy baqylaý salasyna qatysty zań jobalaryn qarady.
«О́zindik ereksheligi bar taýarlardy baqylaý týraly» zań jobasy taýarlardy jalpyǵa birdeı qabyldanǵan halyqaralyq standarttarǵa sáıkes baqylaýdyń ulttyq júıesin jetildirý maqsatynda ázirlengen bolatyn.
Zań jobasynda eksport, ımport, tranzıt, reeksport, eksterrıtorııalyq reeksport jáne eksterrıtorııalyq deldaldyq qyzmetter men tehnıkalyq kómek kórsetý máseleleri, sondaı-aq Qazaqstan Respýblıkasynyń zańnamasyna qosarly jáne áskerı maqsattaǵy taýarlar men kórsetiletin qyzmetterdiń eksporty kezindegi qaýipterdi baǵalaý ólshemsharttaryn jáne osy saladaǵy ózge de erekshelikterdi engizý rettelgen.
Qujat erekshe taýarlardy baqylaýdyń tıimdi tetigin jasaýǵa, olarǵa qatysty qaýipterdi joıýǵa, sondaı-aq otandyq ekonomıkany halyqaralyq baılanystar júıesine kiriktirýge jaǵdaı jasaýdy qamtamasyz etetin bolady.
Otyrys barysynda «Qazaqstan Respýblıkasynyń keıbir zańnamalyq aktilerine ózindik ereksheligi bar taýarlardy baqylaý máseleleri boıynsha ózgerister men tolyqtyrýlar engizý týraly» zań jobasy da qaraldy. Zań jobasy arqyly 6 kodekske jáne 11 zańǵa ózgerister men tolyqtyrýlar engiziledi.
Atap aıtqanda, memlekettik organdardyń quzyretteri, memlekettik organdarmen jáne uıymdarmen ózara aqparattyq is-qımyl jasaý tártibi naqtylanady jáne tolyqtyrylady. Sondaı-aq zańnamany buzǵany úshin jaýapkershilik kúsheıtiledi, ruqsat berý tártibi jáne ózge de talaptar ózgeredi.
Zań jobasy Palatanyń qaraýyna jiberildi.
