Bilim • 07 Jeltoqsan, 2022

Oqý-aǵartý mınıstrligi Microsoft-pen birneshe kelisimge qol qoıdy

59 ret kórsetildi

Oqý-aǵartý mınıstri Ashat Aımaǵambetov Microsoft kompanııasymen yntymaqtastyq týraly memorandýmǵa qol qoıylǵanyn málimdedi, dep habarlaıdy Egemen.kz.

Oqý-aǵartý mınıstri Ashat Aımaǵambetov Microsoft kompanııasynyń ókilderimen kezdesti. Taraptar bilim berýdi sıfrlandyrý salasyndaǵy yntymaqtastyq týraly memorandýmǵa qol qoıdy. 

«Buǵan deıin Prezıdent Qasym-Jomart Toqaev AQSh-qa jasaǵan saparynda Microsoft korporasııasynyń Ortalyq Azııa jáne Shyǵys Eýropa boıynsha bas menedjeri Mıshel Sımmonspen kezdesken. Sol kezde taraptar kompanııanyń Qazaqstandaǵy qatysýyn keńeıtý perspektıvalaryn talqylady. Al búgin osy baǵyttaǵy jumystardyń jalǵasy retinde kompanııa ókilderimen birden birneshe kelisimge kelistik. Inklıýzıvti bilim berý baǵytyndaǵy birlesken jumysty nyǵaıtamyz», dedi Ashat Aımaǵambetov.

Sondaı-aq Microsoft-pen qazaqstandyq mektepterdiń «Office 365 Education» sıfrly platformasyn paıdalanýy týraly kelisim jasaldy. Microsoft sonymen qatar mektep muǵalimderine STEM-di sabaqta qoldaný boıynsha sheberlik sabaqtaryn ótkizip, mekteptiń ınformatıka baǵdarlamalaryn jańartý boıynsha usynystar jasaıdy.

Qol jetken kelisimderdiń nátıjesinde Microsoft «Microsoft Education Transformation Framework» ádisnamasy negizinde bilim berýdi transformasııalaý boıynsha eń úzdik tájirıbelerdi usynady. Pedagogter «Leaders in Digital Transformation» jahandyq baǵdarlamasyna qatysýǵa múmkindik alady. Sonymen birge Microsoft «Microsoft Digital Literacy» oqý jospary jáne «Microsoft Educator» («Maıkrosoft Pedagog») halyqaralyq baǵdarlamasy arqyly pedagogter men oqýshylardyń sıfrly saýattylyǵyn arttyrýǵa qoldaý kórsetedi.

A. Aımaǵambetov mınıstrlik memorandýmǵa qol qoımas buryn da pedagogterdiń biliktiligin arttyrý jáne sertıfıkattaý boıynsha Microsoft korporasııasymen birlesip jumys istegenin atap ótti. Mysaly, «Maıkrosoft Pedagog», «Maıkrosoft pedagog-sarapshy» baǵdarlamasy boıynsha qazaqstandyq muǵalimder Vengrııada, Kanadada, Sıngapýrda, AQSh-ta jáne basqa elderde ótken muǵalimderge arnalǵan «Educator Exchange» halyqaralyq forýmyna qatysty.

Mınıstr mektepterimiz de «Microsoft Imagine Cup Junior» baǵdarlamasyna qatysyp jatqanyn atap ótti. 13-18 jas aralyǵyndaǵy oqýshylar jańa tehnologııalarmen tanysyp, olardy tájirıbede qalaı qoldaný keregin úırenedi jáne jahandyq stýdenttik Hakatonǵa qatysady. 2022 jyly qazaqstandyq Unicode komandasynyń jasandy ıntellekt arqyly jolbarys popýlıasııasyn qutqarý jobasy ekinshi oryndy ıelendi. Ol Microsoft-pen yntymaqtastyq pandemııa kezinde de júzege asyrylǵanyn aıtty. Kezdesý sońynda taraptar odan ári tıimdi yntymaqtastyq jalǵasatynyn atap ótti.

Sońǵy jańalyqtar

Dollar 460 teńgeden tómen tústi

Qarjy • Búgin, 17:08

Erteń elordada Úkimet otyrysy ótedi

Úkimet • Búgin, 14:21

Qazaqstanda aýasy eń las qala ataldy

Ekologııa • Búgin, 12:59

Uqsas jańalyqtar