Parlament • 08 Jeltoqsan, 2022

Máýlen Áshimbaev: Jańa zań jastardy qoldaýǵa arnalǵan

65 ret kórsetildi

Senat Spıkeri Máýlen Áshimbaevtyń Tóraǵalyǵymen Palata otyrysy ótti. Onda senatorlar Qazaqstan Respýblıkasy Joǵarǵy Sotynyń Tóraǵasyn qyzmetinen bosatý jáne jańa Tóraǵany saılaý týraly Memleket basshysynyń usynysyn qarady. Sondaı-aq olar Parlament Senatynyń depýtaty Narıman Tóreǵalıevtiń ókilettigin toqtatý týraly máseleni qarady jáne birqatar zań qabyldady. Otyrys barysynda senatorlar ózderiniń depýtattyq saýaldaryn da joldady, dep habarlaıdy Egemen.kz Senattyń baspasóz qyzmetine silteme jasap.

Konstıtýsııaǵa sáıkes el Prezıdentiniń usynýymen Respýblıkanyń Joǵarǵy Sotynyń Tóraǵasyn saılaý, qyzmetten bosatý jáne onyń antyn qabyldaý Parlament Senatynyń erekshe qaraýyna jatady. Memleket basshysynyń usynýyna sáıkes senatorlar basqa jumysqa aýysýyna baılanysty Jaqyp Asanovty qyzmetinen bosatý týraly sheshim qabyldady jáne Aslambek Merǵalıevti Qazaqstan Respýblıkasy Joǵarǵy Sotynyń Tóraǵasy qyzmetine saılady.

О́z sózinde Máýlen Áshimbaev Joǵarǵy Sot Tóraǵasy retinde elimizdiń sot júıesin nyǵaıtý jáne damytý jolynda eseli eńbek etken Jaqyp Asanovqa alǵys bildirdi.

Sonymen qatar Palata depýtattary taıaýda Memleket basshysynyń Jarlyǵymen Batys Qazaqstan oblysynyń ákimi bolyp taǵaıyndalǵan Narıman Tóreǵalıevtiń senator retindegi ókilettigin toqtatý týraly máseleni qarady. Senat Tóraǵasy Palatanyń zań shyǵarý qyzmetine eleýli úles qosqany úshin Narıman Tóreǵalıevke alǵys bildirdi.

Otyrys barysynda depýtat Nurtóre Júsip Senattyń Áleýmettik-mádenı damý jáne ǵylym komıtetiniń tóraǵasy bolyp saılandy.

Palata otyrysynda senatorlar «О́zindik ereksheligi bar taýarlardy baqylaý týraly» zań jobasyn jáne «Qazaqstan Respýblıkasynyń keıbir zańnamalyq aktilerine ózindik ereksheligi bar taýarlardy baqylaý máseleleri boıynsha ózgerister men tolyqtyrýlar engizý týraly» ilespe zań jobasyn qarady.

Zań jobalary eldiń zańnamasyna qosarly jáne áskerı maqsattaǵy taýarlar men kórsetiletin qyzmetterdiń eksporty kezindegi táýekelderdi baǵalaý krıterıılerin jáne osy saladaǵy ózge de erekshelikterdi engizýdi qarastyrady. Bul normalar naqty taýarlardy baqylaýdyń jáne osy táýekelderdi joıýdyń tıimdi tetigin qurýdy kózdeıdi.

Odan bólek, zań jobalarynda memlekettik organdardyń quzyretin naqtylaý, memlekettik organdarmen jáne uıymdarmen aqparattyq ózara is-qımyl jasaý tártibi, zańnamany jáne basqa da normalardy buzǵany úshin jaýapkershilikti kúsheıtý týraly erejeler de bar.

Senat depýtattary zań jobalarynda belgilengen jańashyldyqtardy konseptýaldy túrde qoldaı otyryp, olarǵa óz tolyqtyrýlaryn engizdi. Soǵan baılanysty zań jobalaryn Májiliske jiberý týraly sheshim qabyldady.

Otyrys kezinde depýtattar «Qazaqstan Respýblıkasynyń keıbir zańnamalyq aktilerine memlekettik jastar saıasaty jáne áleýmettik qamsyzdandyrý máseleleri boıynsha ózgerister men tolyqtyrýlar engizý týraly» zańdy da qarap, qabyldady.

Senat Tóraǵasy atap ótkendeı, bul zań jastardy keshendi qoldaý jáne osy baǵyttaǵy memleket saıasatyn odan ári jetildirý maqsatymen qabyldanyp otyr.

«Osy zań arqyly Memleket basshysynyń 2022 jylǵy 1 qyrkúıektegi Joldaýynda bergen jekelegen tapsyrmalaryn iske asyrý kózdelgen. Qujatta ýaqytsha bos júrgen jastardy qoldaý jáne jastar resýrstyq ortalyqtarynyń qyzmetin keńeıtý máseleleri qamtylǵan. Sondaı-aq zańda bala kútimi boıynsha áleýmettik tólemder kezeńin 1,5 jasqa deıin ulǵaıtýǵa jáne 1 men 6 jas aralyǵyndaǵy ár balaǵa ataýly áleýmettik kómek taǵaıyndaýǵa qatysty normalar bar. Aldaǵy ýaqytta osy zań jastar saıasaty boıynsha qajetti sharalar keshenin júzege asyrýǵa jáne birqatar áleýmettik máseleni oń sheshýge múmkindik beredi dep senemiz», dedi Máýlen Áshimbaev.

Sonymen birge otyrysta senatorlar ózderiniń depýtattyq saýaldaryn joldady.

Ǵalıaskar Sarybaev eldegi sıfrlandyrýdyń jaı-kúıin synǵa alyp, baqylaýdy kúsheıtýdi jáne sapasyz ınternet úshin aıyppuldardy ulǵaıtýdy usyndy.

Baýyrjan Qanıev temirjol salasyndaǵy ózekti problemalarǵa nazar aýdaryp, «Qazaqstan temir joly» AQ-da túbegeıli reformalar júrgizý kerektigin, onyń ishinde vagondar parkin jańartý, bılet tapshylyǵyna jáne olardyń joǵary baǵasyna qatysty máselelerdi sheshý qajettigin aıtty.

Amangeldi Tolamısov medısınalyq uıymdardyń jetkiliksiz qarjylandyrylýyna jáne aýrýhanalardyń kredıtorlyq beresheginiń ósýine qatysty máselelerdi jedel sheshý qajettigin tilge tıek etti.

Nurtóre Júsip Tótenshe jaǵdaılar mınıstrliginiń negizgi fýnksııalarynyń biri tótenshe jaǵdaılardyń aldyn alý jáne eskertý ekenin atap ótti. Osy retet senator asa mańyzdy nysandardyń keshendi qaýipsizdik júıesin jáne tótenshe jaǵdaılardyń aldyn alý úshin laýazymdy tulǵalardyń derbes jaýapkershiligin engizýdi usyndy.

Álimjan Qurtaev Túrkistan oblysynyń Kentaý qalasyndaǵy, sondaı-aq oǵan irgeles jatqan Ashysaı, Hantaǵy, Baıyldyr, Qarnaq, Qusshy-ata, Shashtóbe, Búrgem eldimekenderindegi ekologııalyq problemaǵa alańdaýshylyq bildirdi.

Sońǵy jańalyqtar

Eńbek tártibin retteıtin qujat

Úkimet • Búgin, 00:11

JSDP úmitkerlerin anyqtady

Saıasat • Búgin, 00:08

Ult úmitin aqtaǵan

Rýhanııat • Keshe

Ikemdi baǵam rejimi

Qarjy • Keshe

Ábe

Ádebıet • Keshe

Enbek.kz bárin jeńbek

Qoǵam • Keshe

Keleshektiń ınnovasııalyq baǵdary

Baǵdarlamalar • Keshe

«Hat qorjyn»

Egemen Qazaqstan • Keshe

Ábigerge túsirgen tolassyz jaýyn

Tótenshe jaǵdaı • Keshe

A dıvızıonyna joldama

Hokkeı • Keshe

Otandyq fılm oza shapty

Kıno • Keshe

Baýkeńniń kóp qyry

Ádebıet • Keshe

Uqsas jańalyqtar