Qoǵam • 08 Jeltoqsan, 2022

Aýyl turǵyndary emdelý úshin qalaǵa barýǵa májbúr - senator

77 ret kórsetildi

Aýyldyq jerlerdegi densaýlyq saqtaý máselelerin Premer-Mınıstrdiń atyna joldaǵan depýtattyq saýalynda senator Amangeldi Tolamısov kóterdi, dep habarlaıdy Egemen.kz.

Senatordyń pikirinshe, aýyldyq medısınalyq mekemelerdiń barlyq problemalary eldegi emhanalar men aýrýhanalardyń durys qarjylandyrylmaýynyń saldarynan bolyp otyr.

«Jyl saıynǵy bıýdjetti bekitý kezinde Úkimet 2021 jylǵy naqty tapshylyqpen naqty shyǵyndar boıynsha esepteýler júrgizgen, aıqyn tapshylyqtar baıqalady. О́kinishke qaraı, Densaýlyq saqtaý mınıstrligi de, ÁMSQ da osy ýaqytqa deıin bul qarajattyń ulǵaıýyna qol jetkizgen joq. Sonyń saldarynan osy jyldyń 9 aıynyń qorytyndysy boıynsha densaýlyq saqtaý uıymyn qarjylandyrýda kúrdeli jaǵdaı qalyptasty. Bastapqyda mindetti medısınalyq saqtandyrý júıesinde stasıonarlyq jáne stasıonardy almastyratyn kómek kórsetýge bólingen qarajat kólemi 2022 jyly medısınalyq uıymdar málimdegenniń 70-77%-yn qurady. Qazirgi jaǵdaıda densaýlyq saqtaý uıymdary eńbekaqy tóleý boıynsha, salyqty ýaqytyly tóleýde, dári-dármek pen azyq-túlik satyp alýda, kommýnaldyq qyzmetterdi tóleýde qıyndyqtarǵa tap bolýda», dep atap ótti Amangeldi Tolamısov.

Senator densaýlyq saqtaý salasyndaǵy aýyldyq emhanalardyń tehnıkalyq jaraqtandyrylýyn da ózekti másele ekenin atap ótti. Aýdandyq medısına uıymdarynyń teńgerimindegi avtokólikterdiń 80%-y tehnıkalyq jaǵynan eskirgen.

«Aýyldyq jerdegi kórsetiletin medısınalyq qyzmettiń qoljetimsizdigi men mamandardyń tapshylyǵynan aýyl halqy jappaı aǵaıyn-týys jaǵalap, qalaǵa kelip emdelýge májbúr bolyp júr. Osy oraıda, ambýlatorııalardyń, akýsherlik pýnktter boıynsha, jedel járdem kólikteri boıynsha, jalpy, alǵashqy medısınalyq kómek kórsetý júıesin jaqsartý boıynsha Úkimet jedel sharalar qabyldaý kerek dep esepteımin», dep atap ótti ol.

Sońǵy jańalyqtar

Elimizde et konservileriniń óndirisi artty

Ekonomıka • Búgin, 14:25

Elordada gazel avtokóligi janyp ketti

Elorda • Búgin, 12:18

Uqsas jańalyqtar