Aımaqtar • 08 Jeltoqsan, 2022

Jambyl oblysynda mal urlyǵymen aınalysqan qylmystyq top ustaldy

296 ret kórsetildi

Sarysý aýdandyq polısııa bólimine osy aýdannyń birneshe turǵyny saýyqtyrý lageriniń mańyndaǵy óriste jaıylyp júrgen sıyrlaryn belgisiz tulǵanyń jasyryn urlap ketkendigi týraly aryzdanǵan. Keltirilgen shyǵyn kólemi – 2 mln teńgege jýyq, dep habarlaıdy Egemen.kz IIM resmı ınternet resýrsyna silteme jasap.

Turǵyndar óristegi maldaryn jarty aı saıyn baryp, tekserip turatyn bolǵan. Kezekti ret tekserýge barǵan sátinde jaıylymnan óz sıyrlarynyń joqtyǵyn baıqaǵan. Birneshe kún óz kúshterimen izdep taba almaǵandyqtan, polısııa bólimine aryzdanǵan.

Aýdandyq polısııa qyzmetkerlerimen júrgizilgen jedel-izdestirý jumystarynyń nátıjesinde mal urlyǵyna qatysy bar Sarysý aýdanynyń 46 jastaǵy jáne 35 jastaǵy 2 turǵynynan quralǵan qylmystyq top ustaldy. Sondaı-aq kúdiktilerdiń qatysýymen bolǵan 6 mal urlyǵy deregi anyqtaldy. Kúdiktiler kinásin tolyq moıyndap, ýaqytsha ustaý ızolıatoryna qamaýǵa alyndy.

Qazir osy derekke qatysty Qazaqstan Respýblıkasy Qylmystyq kodeksiniń 188-1-baby 3-bóligimen (Birneshe ret jasalǵan mal urlyǵy) sotqa deıingi tergeý amaldary júrgizilip jatyr. Sonymen qatar kúdiktilerdiń osyǵan uqsas basqa da qylmystarǵa qatystylyǵy anyqtalyp jatyr.

Jalpy Jambyl oblysy Polısııa departamenti Krımınaldyq polısııa basqarmasy qyzmetkerlerimen júrgizilgen respýblıkalyq (Mal urlyǵy) jedel aldyn alý is-sharasynyń nátıjesinde 12 qylmys (ótken jyldan – 6 derek) ashylyp, tórt qylmystyq top ustaldy.

Sońǵy jańalyqtar

Elimizde et konservileriniń óndirisi artty

Ekonomıka • Búgin, 14:25

Elordada gazel avtokóligi janyp ketti

Elorda • Búgin, 12:18

Uqsas jańalyqtar